Ovindekaise vi Kuamiwa!

Oco ku Fetikiwe Alilongiso Embimbiliya ko Casapalo Catete Kosãi Yenyenye Linene

“Ove hẽ wa lipulile ale esunga lieci Suku a ecelelela evĩho kuenda ohali? [Ecelela etambululo.] Ndi yongola oku ku lekisa esapulo limue liwa liatiamẽla kondaka eyi.” Tangeli kumosi esapulo li sangiwa Vutala Wondavululi Wevambi Linene-Enyenye Linene kemẽla 13, kuenda ocisonehua cimue ca tukuiwa. Eca olorevista kuenda sokiya oku tiuka oco vu konomuisi etambululo liepulilo li kuãimo.

UTALA WONDAVULULI Eva. Lin.-Eny. Lin.

WUSAPULA USOMA WA YEHOVA

Tanga Osamo 37:10, 11. Noke pula ndoco: “Ove hẽ o sima okuti ndopo tu ka mola oku tẽlisiwa kuocitumasuku eci? [Ecelela etambululo.] Orevista yilo yi tukula ovitumasuku epandu vi kasi oku tẽlisiwa koloneke vilo. Ovitumasuku viaco vi lekisa okuti ohuminyo tua tanga ndeti ndopo yi tẽlisiwa.”

Despertai! de Setembro

Koloneke vilo omanu valua va sakalala omo liovitangi violombo. Nye ove osima catiamẽla kesunga lieci ca tĩlila oku sanga eteku? [Ecelela etambululo.] Embimbiliya li lombolola eci ca kuatisa valua oku ongotiya olombongo viavo. [Tanga cimue ocisonehua ci sangiwa kamẽla 8-9.] Orevista yilo yeca olonumbi viwa ku vana va liyaka locitangi coku feta olofuka.”