Ovindekaise vi Kuamiwa

Oco ku Fetikiwe Alilongiso Embimbiliya Vocasapalo Catete Kosãi Yenyenye Linene

“Omanu vamue va tava okuti Embimbiliya elivulu limue liovitumasuku via koleliwa. Vakuavo va sima okuti Vembimbiliya mu sangiwa ovisimĩlo viaño vi pondola oku lomboluiwa volonjila via litepa. Cipi ocisimĩlo cove? [Ecelela etambululo.] Eca komunu Utala Wondavululi Evambi Linene-Enyenye Linene, kuenda kũlĩhĩsili kumosi epulilo liatete kemẽla 16, loku tanga ocisonehua cimue. Noke u wĩha olorevista kuenda linga eliangiliyo lioku tiuka oco vu konomuisi apulilo a kuãimo.”

Utala Wondavululi Eva. Lin.-Eny. Lin.

“Tu pondola oku lilongisa ovina vialua kalume kuenda kakãi vo kosimbu. Ove hẽ o tava kocisimĩlo eci? [Ecelela etambululo.] Ocinimbu eci ci lombolola ulume umue okuti eye lika wa tukuiwa Vembimbiliya okuti ‘ekamba lia Suku.’ [Tanga Tiago 2:23.] Orevista eyi yi lombolola esunga lieci Suku a tukuila Avirahama okuti ekamba liaye kuenda yi lombololavo eci tu lilongisila kulume waco.

Despertai! de Setembro

“Omanu valua va sima okuti omuenyo kilu lieve u ka kunduka veteke limosi, pamue luyaki ale locisalu, ndeci oku kupuka kuolumbungululu lumue ale epongoloko liotembo. O sima hẽ okuti ovisimĩlo viaco viatiamẽla keteke liesombiso vi ka tẽlisiwa, ale uhembi waño? [Ecelela etambululo.] Embimbiliya lieca ohuminyo eyi yi lembeleka. [Tanga Osamo 37:29.] Vorevista eyi mu sangiwa alomboluilo amue atiamẽla keteke liesombiso kuenda eci Embimbiliya li popia kueci ci laika oku iya kovaso yoloneke.”