Yehova o Kasi Oku tu Pindisa Kupange Waco
1. Eci Yehova a eca ocikele cimue komanu, eye ecavo nye?
1 Eci Yehova a eca ocikele cimue komanu, eye ecavo kokuavo ekuatiso va sukila, oco va tẽlise upange waco. Yehova eci a tuma Noha oku tunga ocimbaluku okuti lalimue eteke Noha a lingile upange waco, Eye wo sapuilavo ndomo a ci linga. (Efet. 6:14-16) Mose una wa kala embombe haeye ungombo eci a tambula ocikele coku ka va vangula lakulu va va Isareli kuenda Fareo, Yehova wo likuminyile hati: “Ame ñala omẽla wove siu ku longisa eci o popia.” (Etu. 4:12) Eci tu tambula ocikele coku kunda olondaka viwa, Yehova o tu ĩhavo olonumbi ndomo tu linga upange waco. Eye o tu ĩha epindiso liaco lekuatiso Liosikola Yupange Wakristão kuenda Kohongele Yupange. Tu kuatisiwa ndati lepindiso liaco?
2. Tu kuatisiwa ndati Losikola Yupange Wakristão?
2 Osikola Yupange Wakristão: Osimbu kua endele kohongele kũlĩhĩsa ulandu wovipama vi ka lingiwa. Poku mola onjila vamanji va kuama eci va linga ovipama viavo, uloño wove ndomo o ka longisa u livokiya. (Olosap. 27:17) Ambata elivulu liove Liosikola Yupange kohongele kuenda li kale ndelivulu liepindiso. Eci usongui wosikola a eca onumbi yi tunda velivulu liaco kondonge londonge ya linga onepa, kũlĩhĩsa atosi a velapo o yongola oku kapako kuenda a soneha konele yemẽla lielivulu liaco. Onjila ya velapo yoku kuatisiwa losikola, oku panga onepa kokuayo. Ove wa li sonehisa ale kosikola? Eci o tambula ocipama cimue, lipongiya ciwa kuenda tẽlisa etosi wa tambula. Eci wenda kupange woku kunda, kapako ovina wa lilongisa.
3. Nye ci tu kuatisa oku upa esilivilo Kohongele Yupange?
3 Ohongele Yupange: Tu ka ivaluka ciwa olonumbi tu tambula kohongele eyi poku kũlĩhĩsa selo ulandu waco kuenda oku li pongiyila oku eca atambululo. Nda tua teta onimbu poku eca atambululo, valua va ka ecavo atambululo avo. Luluvalela kovindekaise kuenda kuama vina vi ka ku kuatisa kupange wove woku kunda. Eci Vupange Wetu Wusoma muiya ocipama cimue ci ku kuatisa kupange woku kunda, seleka ocipama caco.
4. Momo lie tu sukilila oku kuama ciwa epindiso lieciwa la Yehova?
4 Ndeci ca pita la Noha kuenda Mose kocikundi va tambuile, ocikele cetu coku kunda olondaka viwa koluali luosi ka ca lelukile. (Mat. 24:14) Tu pondola oku kuatisiwa nda tua kolela Yehova, Ulongisi wetu wa Velapo, kuenda nda tua kuama ciwa olonumbi eye a siata oku eca.—Isa. 30:20.