Apulilo Vatambuluiwa

◼ Nye ci tu kuatisa oku limbuka epuluvi ci tava oku eca elivulu komunu umue?

Ocina catete, oku kũlĩhĩsa onjongole yomunu. Nda wa lekisa onjongole yocili tu eca kokuaye olorevista vivali, ombrochura, elivulu ale alivulu akuavo tu kasi oku eca. Cimuamue haico ci lingiwa nda omunu o kuete olombongo vitito vioku eca ombajaile ale ka kuete oco a kuatise kupange woku kunda voluali luosi. (Yovi 34:19; Esit. 22:17) Handi vali, ka tu eci alivulu etu a kuete esilivilo ku vana ka va lekisa onjongole.—Mat. 7:6.

Tu limbuka ndati nda omunu tua sanga wa lekisa onjongole? Tu ci limbukila konjongole a lekisa poku sapela letu. Nda o yevelela lutate eci tu vangula, ale o tambulula apulilo, kuenda o situlula ocisimĩlo caye, ci lekisa okuti wa kongeliwa vombangulo. Nda o kuama Vembimbiliya osimbu tu tanga, ci lekisa okuti wa sumbila Ondaka ya Suku. Olonjanja vimue oku pulisa nda omunu o ka tanga elivulu tu yongola oku wĩha ci kuete esilivilo. Akundi va sukila oku lekisa olondunge oco va tẽle oku limbuka onjongole yomunu lomunu. Poku eca uvangi volokololo, ka ca sungulukile oku eca ño olivova olorevista, olombrochura, ale alivulu komanu vosi tu ñualehela lavo. Nda tua limbuka okuti omunu ka lekisa onjongole, ciwa oku eca kokuaye okokanda kelaleko ale otratado.

Handi vali, ukundi te o tambula alivulu a sukila kupange woku kunda, okuti ka tambula lika alivulu a likuata lepondolo liolombanjaile viaye. Olombanjaile ka vi feti alivulu, pole vi kuatisa kolonepa viosi viupange woku kunda. Ndaño tu kuete olombongo vitito, olopandu vi tu vetiya oku eca olombanjaile lutima wosi, okuti ka tu eci ovisupe koku kuatisa kovopange Wusoma. (Mar. 12:41-44; 2 Va Kor. 9:7) Eci ci tu vetiyavo oku tambula lika alivulu tu sukila, oco ka tu ka pesele olivova ovokuasi wusoma.

[Etosi lia velapo kemẽla 2]

Akundi va sukila oku lekisa olondunge oco va tẽle oku limbuka onjongole yomunu lomunu