Onjila Yiwa Yoku Sanjukila Ovisungo Viusoma

Afendeli va Suku va tenda ovisikilo ndombanjaile yiwa ya tunda ku Yehova. (Tia. 1:17) Akongelo alua a siata oku yevelela ovisungo Viusoma osimbu ohongele ka ya fetikile kuenda kesulilo liohongele. Oku sika ovisungo viusoma onjila yimue yoku tu yolela kolohongele. Ovio vi tu kuatisa oku lipongiyila oku fendela. Handi vali, oku kuama ovisikilo velivulu lietu liovisungo, ci tu ecelela oku kũlĩha ciwa ovisungo kuenda ci tu kuatisa oku vimba ciwa. Ovisikilo vi sikiwa noke yohongele vi vetiya kuenda vi pamisa ukamba uwa tu kuete la vamanji. Pole, akulu vekongelo va sukila oku linga esokiyo liwa lioku sika Cantemos a Jeová—Acompanhamento em Piano osimbu ohongele ka ya fetikile kuenda kesulilo liohongele. Ovo va sukila oku kũlĩhĩsa okuti, ocileñi cecelela omanu oku sapela.