Onumbi Yetu yo Internet,​—ya Sokiyiwila Oku tu Kuatisa Kuenda Oku Kuatisa Omanu Vakuavo

Yesu wa tu tuma oku kundila olondaka viwa Viusoma ‘kolonepa viosi violuali ha vi lingi uvangi kolofeka viosi, kuenje, oco esulilo liya noke.’ (Mat. 24:14) Oco tu ‘tẽlise ciwa upange wetu woku kunda,’ olonumbi vietu vio Internet ndeci, watchtower.org, .jw-media.org, kuenda .jw.org, cilo via kongeliwa lika vonumbi yimosi okuti, jw.org.—2 Tim. 4:5.

‘Kolonepa Viosi Violuali’: Ci soka onepa yatatu yomanu va sangiwa voluali luosi, va siata oku talavaya lo Internet. Omanu valua ca piãla enene amalẽhe, va siata oku sandiliya asapulo vo Internet. Onumbi yetu yo Internet, ya siata oku kuatisa omanu valua oku sanga atambululo kapulilo a tiamẽla Kembimbiliya. Oyo, yi va kuatisa oku kũlĩha ciwa ndomo ocisoko ca Yehova ci talavaya, kuenda yi leluisa oku pinga elilongiso Liembimbiliya ocali. Omo liaco, o Internet yi kuatisa oku kundila olondaka viwa kolonepa vialua violuali kuna okuti omanu ka va kuete epuluvi lioku yeva esapulo Liusoma.

“Kolofeka Viosi”: Oco esapulo Liembimbiliya li kundiwile “kolofeka viosi,” tu sukila oku li sandeka kalimi alua. Vakuakusandiliya asapulo vonumbi yetu yo jw.org., va pondola oku sanga asapulo aco kueci ci soka 400 kalimi okuti, volonumbi vikuavo vio Internet ci sule.

Talavaya Layo Ciwa: Onumbi yetu yo Internet, okuti, jw.org, ka ya sokiyiwilile oku kundila omanu vana ka va tava Kondaka ya Suku. Oyo ya sokiyiwila oku kuatisa Olombangi Via Yehova. Nda okuti wa siata oku talavaya lo Internet, tu ku vetiya oku talavaya lonumbi yetu yo jw.org. Kũlĩhĩsa ndomo tu talavaya layo poku kuama olonumbi vi kuãimo.

[Olondaka vielitalatu kemẽla 3]

(For fully formatted text, see publication)

Linga Ndoco

1 Poku konomuisa vo kombutador yove soneha onumbi yetu yo Internet okuti jw.org.

2 Sandiliya vonumbi yaco ponepa ya linga hati, yulula ovipete vikuavo.

3 Seteka oku talavaya lonumbi yo jw.org. vo telefone yove. ndaño oviluvialuvia viaco vi ka moleha vitito, pole, esapulo liaco ka li ka pongoloka.