Talavaya lo jw.org Kupange Woku Kunda—“Kala Ekamba Lia Yehova”

Vonumbi yetu yo Internet jw.org vosapi yokuti “Alongiso Embimbiliya,” mu sangiwa onepa yimue ya pangiwila omãla losapi hati: “Kala Ekamba Lia Yehova.” Vonepa yaco mua kongela ovisungo, olovideo kuenda ovopange akuavo. Ove hẽ wa siata oku talavaya lonepa yaco kupange woku kunda? Nda okuti o kasi oku longisa embimbiliya lonjali yimue yi kuete omãla okuti amalẽhe, momo lie ku lekisila onepa yaco kokuaye? Nda wa ci linga eye o ka vetiyiwa oku sandiliya ovina vikuavo vonumbi yetu yo Internet.

Poku sandeka Esapulo Liusoma No.38, manji umue wa eca okokanda kaco kukãi umue okuti wa fetika oku ka tanga vepuluvi liaco. Eye wa muile okuti omãla vamue va yonguile oku tanga okokanda kaco. Loku teta onimbu manji wa lombolola ovina viatiamẽla ko kokanda kaco kuenda wo lekisa onumbi yetu yo Internet yi sangiwa kemẽla liasulako. Omo okuti ukãi waco wa lekisa onjongole, manji wa lekisa ovideo yimue ya Kalembe kokuaye kuenda komãla vaye lekuatiso liotelefone yaye.

Manji umue ukãi wa sapela lekamba liaye liupange woku sanda eteku okuti onjali ovina viatiamẽla konumbi yetu yo Internet kuenda olonumbi vi sangiwamo viatiamẽla kepata. Kuenje ukãi wa kũlĩhisa onumbi jw.org kumue lomãla vaye. Noke, wa sapuila kumanji ukãi okuti omãla vaye va kala oku ñuala ñuala vonjo loku imba ocisungo cimue ci sangiwa vonepa “Kala Ekamba Lia Yehova” losapi hati “Kunda Ondaka.”

Citava okuti o kũliha ciwa onepa yaco vo jw.org kuenda o tapa olovideo vimue, ovisungo ale ovopange akuavo loku vi kapa votelefone yove. Nda wa ci linga, ci ka ku kuatisa oku talavaya lo jw.org kupange woku kunda. Ocimãleho cimue ciwa ci pondola oku tu kuatisa oku vumba Ñala! —Ovilinga 20:19.