Oku Talavaya Lonumbi Yetu yo Internet—Kupange Woku Kunda
Lekisa Onumbi yo Internet Komanu: Omanu vamue ndaño va kuete ohele yoku sapela letu, pole, va tava oku tambula alivulu etu oco va konomuise alongiso Olombangi Via Yehova, poku tala vonumbi yetu yo jw.org., osimbu va kasi volonjo viavo. Omo liaco, oku sapuila omanu onumbi yetu ci kuete esilivilo.
Tambulula Apulilo: Olonjanja vimue omanu tu sanga konjo, va yongola oku pulisa ovina viatiamẽla kalongiso Olombangi Via Yehova. Lekisa komanu vaco atambululo lekuatiso lio kombutador, ale liotelefone yove. Olonjanja vimue tu sukila oku tanga ocisonehua cimue Vembimbiliya lio peka. Nda ku kuete o Internet, lekisa komunu ndomo eye a pondola oku yulula onumbi yetu yo jw.org, oco a sange atambululo.—Kuende ponepa ya linga hati, “Alongiso Embimbiliya/Apulilo a Tambuluiwa a Tiamẽla Kokuetu/Apulilo a Siata Oku Lingiwa”
Tumisa Ocipama Cimue Ale Elivulu Komunue Umue wa Kũlĩha: Upa okopia yimue yo PDF ale EPUB oco o yi tume vo e-mail. Ale kapa olondaka via ngalavaliwa vo CD yimue. Onjanja lonjanja eca komunu umue ka papatisiwile elivulu, obrochura, ale olorevista lekuatiso lio Internet, o sukila oku vi tenda. Ka citava oku tumisa ovipama viaco komunu umue ka kũlĩhĩwile. Ndaño oku vi tumisa vonumbi yikuavo yo Internet.—Kuende ponepa ya linga hati, “Alivulu.”
Lekisa Asapulo Okaliye a Tiamẽla Kolombangi Via Yehova: Poku ci linga o pondola oku kuatisa omanu o longisa Embimbiliya, oku sola upange wetu u kasi oku lingiwa kolonepa viosi violuali, kuenda omunga yi kasi pokati Kakristão. (Ps. 133:1) Kuende ponepa ya linga hati, “Asapulo.”
[Ulandu wociluvialuvia kemẽla 5]
(For fully formatted text, see publication)
Linga Ndoco
1 Ponepa ya linga hati, “Alivulu,” sandiliya elivulu o yongola oku kopiyala poku toma polumbutãu luaco, pamue onepa yoku tangiwa ya ngalavaliwa, o yongola oku upa.
2 Toma polumbutãu lua linga hati, “MP3” oco o tale ulala wovipama. Toma pocipama o yongola oku upa kulala vo Internet.
3 Nõla elimi o yongola oku upa.