O Pondola hẽ Oku Laleka Umue?

Vakongelo alua muli akundi vamue okuti ka va tẽla oku talavaya calua kupange woku kunda omo lioku vela ale oku kuka. (2 Va Kor. 4:16) O pondola hẽ oku laleka umue o kasi lovitangi ndevi oco wendeli kumosi oku ka linga elilongiso Liembimbiliya? Nda okuti ukundi waco ka citava oku tunda konjo yaye, sokiya oku lingila elilongiso liaco konjo yaye. Ove hẽ, olonjanja vimue o pondola oku linga esokiyo lioku kunda konjo lanjo la manji o vela ale koku linga apasu? Vamanji valua va kuka, va kuete uloño walua woku kunda. Elikolisilo liove ka li ka kuatisa lika vamanji vaico. O ka kuatisiwavo. (Va Rom. 1:12) Handi vali o ka tambula asumũlũho a Yehova omo liocisola o lekisa ku vamanji.—Olosap. 19:17; 1 Yoa. 3:17, 18.