Tu Amamiko Oku Kuata Uloño Kupange Woku Kunda​—Oco tu Sokiye Olondaka tu Popia Poku Nyula Omunu Tua Kundila

Esunga Lieci ci Kuetele Esilivilo: Eci tu sanga omunu umue wa lekisa onjongole, tu sukila oku tiukila konjo yaye oco tu tapele ombuto yocili tua kũla. (1 Va Kor. 3:6) Omo liaco, osimbu ka tua tiukilile konjo yaye, tu sukila oku Sokiya olondaka tu ka popia. O pondola oku linga epulilo limue o ka tambulula kepasu likuavo. Nda tua ci linga tu vetiya onjongole yomunu tua kundila, kuenda nda epulilo tua linga kokuaye etambululo liaco li sangiwa velivulu tu o sila, cuvetiya oku tanga elivulu liaco. Oku sokiya olondaka tu ka popia ci leluka oku sapela vali lomunu tua sanga, momo ovina tu sapela via sokiyiwa ale kuenda omunu waco wa kũlĩha ale ovina tu ka sapela laye. Eci tu ka nyula omunu tua kundila tu pondola oku u lomboluila okuti tu eya oco tu tambulule epulilo tua linga onjanja yatete tua sapela love kuenda oku amamako lombangulo yaco.