Tu Mioñololi Uloño Wetu Kupange Woku Kunda —Linga Apasu

ESUNGA LIECI CI KUETELE ESILIVILO: Omanu valua va siata oku lekisa onjongole kesapulo Liusoma, va kasi oku sandiliya ocili catiamẽla ku Suku. (Isa. 55:6) Oco tu va longise, tu sukila oku enda kolonjo viavo olonjanja vialua. Omanu va siata oku liyaka lovitangi, kuenje, onjila ndomo tu vetiya onjongole yavo yi sukila oku litepa. Omo liaco, tu mioñolola uloño wetu nda tua lipongiya ciwa locimãho coku fetika oku longisa Embimbiliya.

NDOMO CI LINGIWA:

• Likolisilako oku tiuka lonjanga konjo yomunu wa kundila okuti ku piti oloneke vialua.— Mat. 13:19

• Lekisa ukamba kuenda esumbilo. Ku ka kuate usumba

• Lama lesanju. Tukula onduko yomunu waco. U ivaluisa esunga lieci wa tiukila konjo yaye okuti oku tambulula epulilo limue, oku u nenela orevista yokaliye, oku u lekisa onumbi yetu yo internet, oku u lekisa ovideo yimue ale oku lekisa ndomo ku lingiwa elilongiso Liembimbiliya. Linga apongoloko kombangulo yove nda omunu waco wa fetika oku vangula ovina vikuavo.—Va Fil. 2:4

• Kũla ombuto yocili vutima womunu waco poku tanga laye ocisonehua cimue ale oku u sila elivulu limue. (1 Va Kor. 3:6) Seteka oku linga ukamba laye

• Pongiya ovina vu ka sapela onjanja yikuavo