Talavaya lo jw.org Kupange Woku Kunda

Onumbi yetu yo jw.org yi kuete esilivilo momo yi tu kuatisa oku kundila omanu olondaka viwa “toke kasulilo okilu lieve.” (Ovil. 1:8) Olonjanja vimue, omanu tu kundila ka va siatele oku sanga onumbi yetu yo jw.org vo kombutador yavo muele. Omo liaco ovo va lilongisa lika nda ukundi umue o va longisa ndomo va pondola oku sanga onumbi yaco.

Manji umue ukuakunyula akongelo, wa kapa ovideo vo telefone yaye losapi hati: Momo Lie Ndi Lilongisila Embimbiliya? eye wa enda oku yi lekisa komanu olonjanja vialua. Poku kundila konjo lanjo o popia hati: “Ndi kasi oku nyula omanu oco ndi va kuatise oku tambulula apulilo atatu avelapo ndeci: Momo lie voluali mueyukila ovitangi vialua? Suku o ka malako ndati ovitangi viaco? Tu pondola ndati oku liyaka lovitangi viaco koloneke vilo? Ovideo eyi, yilombolola ciwa apulilo aco.” Noke, citava okuti o lekisa kokuaye ovina vi sangiwamo oco o limbuke nda eye wa sanjukila ovideo yaco. Vovideo yaco, mu sangiwa ovina viwa kuenda yi vetiya omanu oku yi tala toke kesulilo. Noke manji ukuakunyula akongelo o popia hati: “Ovina wa mala oku yeva cilo, vi lekisa okuti ove o pondola oku pinga elilongiso Liembimbiliya lekuatiso lionumbi yetu yo Internet. Osimbu ndi kasi kulo, ndi yongola oku ku lekisa lonjanga ndomo elilongiso liaco li lingiwa.” Nda omunu a sanga wa lekisa onjongole, citava oku u lomboluila ndomo elilongiso liaco li lingiwa poku kuama ombrochura losapi hati: Olondaka Viwa. Nda omunu waco ka kuete otembo, hundi o linga esokiyo lioku tiuka onjanja yikuavo. Nda eye enda vovenda yimue, o sapela lomunu wa tumãla ponẽle yaye kuenje u kundila. Ove hẽ o kasi oku talavaya lo jw.org kupange woku kunda?