Ovindekaise vi Kuamiwa

Oco tu Fetike Oku Longisa Omanu Embimbiliya vo Casapalo Catete Kosãi ya Cembanima

“Tu kasi oku linga upange umue woku nyula omanu. Olonjali vialua vi yongola okuti omãla vavo va kuatela ocisola Suku. Osima hẽ okuti olonjali vi pondola oku longisa omãla vavo ale omãla va pondola ovo muẽle oku lilongisa oku sola Suku?” Ecelela etambululo. Lekisa emẽla lia sulako Liutala Wondavululi 1 ya Cembanima, kuenje, kũlĩhĩsili kumosi epulilo liatete, kuenda cimue pokati kovisonehua via tukuiwa. Eca olorevista kuenda linga eliangiliyo lioku tiuka oco u kũlĩhĩsi epulilo li kuãimo.

Utala Wondavululi 1 ya Cembanima

“Tu kasi oku nyula omanu oco tu va sapuile eci catiamẽla Kusoma wa Suku. Tua kũlĩha okuti omanu va kuete ovisimĩlo via litepa viatiamẽla ku Suku. Anga o sima okuti omanu va tenda okuti Suku ongusu yimue, ale o kasi ndekamba limue okuti lia kapako ekalo liomunu lomunu pokati ketu? [Ecelela etambululo.] Ocinimbu eci Cembimbiliya ci tu lomboluila ukamba Suku a yongola okuti owo tu u kuatela. [Tanga Tiago 4:8.] Orevista yilo, yi lombolola ovina vitatu tu sukila oku linga oco tu kuate ukamba la Suku.”

Despertai! de Dezembro

“Tu kasi oku nyula omanu omo liovitangi vioku vela. Ocisoko Citata Omanu va Vela Voluali Luosi, ca lekisa okuti pokati komanu vakuãla, umosi pokati kavo o ka vela uveyi wowonõ kuenda esumuo. Ove hẽ o sima okuti uveyi wowonõ u kasi oku livokiya calua? [Ecelela etambululo.] Embimbiliya li tu ihã elavoko liokuti kovaso yoloneke, ka ku ka kala vali oku vela. [Tanga Esituluilo 21:3, 4.] Orevista yilo yi lombolola ovina vimue omanu va kũlĩhã viatiamela kuveyi wowonõ.”