Talavaya “Lokalivulu ka Lombolola Ondaka ya Suku”—Oco o Fetike Ombangulo
1. Elivulu lipi liokaliye tua tambula okuti li tu kuatisa kupange woku kunda?
1 Vo Tradução Do Novo Mundo yo kaliye, mu sangiwa onepa yatete yi tukuiwa okuti “Okalivulu ka Lombolola Ondaka ya Suku.” Tu pondola ndati oku talavaya lokalivulu kaco kokaliye eci tu pongiya ovindekaise viupange woku kunda? Vokalivulu kaco, mu sangiwa olosapi vimue Viembimbiliya ndevi vi sangiwa velivulu Raciocinios, okuti vi tu kuatisa oku fetika ombangulo.
2. Tu pondola ndati oku talavaya “Lokalivulu ka Lombolola Ondaka ya Suku” kupange woku kunda?
2 Ove o pondola oku nola epulilo 8 kuenda oku popia ndoco: “Tu kasi oku nyula omanu va kasi posongo yetu omo okuti valua va siata oku lipula hati: ‘Anga hẽ Suku eye wa siata oku kokela ohali omanu’? [Vovikanjo vimue, ca sunguluka oku lekisa epulilo liaco komanu tu sanga.] Nye o sima catiamẽla kondaka yaco? [Ecelela etambululo.] Embimbiliya li eca etambululo liasuapo liatiamẽla kepulilo eli.” Tanga Vembimbiliya kuenda lombolola ovinimbu vimue. Nda omunu wa sanga wa lekisa onjongole, lekisa kokuaye apulilo a soka 20 a sangiwa vokalivulu kaco, loku pinga kokuaye oco a nõle epulilo limue li ka tambuluiwa onjanja yikuavo. O pondolavo oku eca kokuaye elivulu limue tua siata oku longisa lalio omanu okuti li lombolola ovina wa sapeli.
3. Tu pondola ndati oku talavaya “Lokalivulu ka Lombolola Ondaka ya Suku” oco tu fetike ombangulo vovikanjo vina okuti omanu vaco ndaño va kuete ale etavo limue pole kava tava ku Kristu?
3 Apulilo 4 kuenda 13 toke 17, a pondola oku tu kuatisa eci tu kundila kovikanjo vina okuti omanu vaco ndaño va tiamẽla ketavo limue pole ku Kristu. Citava okuti o tukula onumbi yi sangiwa kepulilo 17 loku popia hati: “Tu kasi oku linga upange umue woku nyula apata. O tava hẽ okuti koloneke vilo apata a siata oku liyaka lovitangi vialua? [Ecelela etambululo.] Olohueli vialua via siata oku kuatisiwa lolondaka evi: “Ukãi layevo a sumbile veyaye.” [Ku sukila oku tanga olondaka vi sangiwa kelivulu lia Va Efeso 5:33. Nda okuti o kasi oku sapela lukãi, o pondola oku u lomboluila olondaka vi sangiwa kelivulu lia Va Efesio 5:28.] O sima hẽ okuti oku kapako elungulo liaco ci pondola oku kuatisa olohuela”?
4. Nye o sukila oku linga noke yoku sapela lomunu umue watiamẽla ketavo limue?
4 Kesulilo liombangulo, linga esokiyo oco okuti onjanja yikuavo wa amamiko lombangulo yaco. Citava okuti, o linga esokiyo lioku sapela ovinimbu vikuavo Viembimbiliya viatiamẽla kepulilo wa tukuile. Sokiya otembo yoku sapuila komunu wa sanga okuti ovina wa sapeli vi sangiwa Vembimbiliya. Eca kokuaye elivulu limue ove o sima okuti li pondola oku u vetiya omo lio vina wa sapeli kuenda ndomo a tenda Embimbiliya.—Tanga Vupange Wetu Wusoma wa Cembanima wo 2013.