Tu Mioñololi Uloño Wetu Kupange Woku Kunda​—Oku Talavaya Lolovideo Poku Longisa

ESUNGA LIECI CI KUETELE ESILIVILO:

Olovideo vi pondola oku vetiya ovitima viomanu eci va vi yevelela loku vi tala. Momo ci va kuatisa oku tiamisila utima kovina viaco loku vi patekela. Yehova wa eca ongangu yiwa yoku longisa loviluvialuvia.​—Ovil 10:9-16; Esit 1:1.

Olovideo ndeci: Anga Suku o Kuete Onduko?, Helie Usovoli Wembimbiliya?, Ndamupi tu Kolela Okuti Embimbiliya li Vangula Ocili?, olosapi viaco viopiwa vombrochura Olondaka Viwa kocipama 2 leci 3. Olovideo ndeci: Momo lie ndi Lilongisila Embimbiliya?, Nye ci Lingiwa Velilongiso Limue Liembimbiliya?, Nye ci Lingiwa Vonjango Yusoma?, vi vetiya omanu oku lilongisa letu Embimbiliya ale oku endaenda kolohongele. Tu pondolavo oku talavaya lolovideo vikuavo poku longisa Embimbiliya.—km 5/13 kem. 3.

NDOMO CI LINGIWA:

• Tete tapa ovideo o yongola oku lekisa komunu wa sangiwa

• Pongiya epulilo limosi ale avali li ka , tambuluiwa vovideo

• Taleli kumosi ovideo

• Lombolola atosi a velapo

SETEKA NDOCO:

• Kuende konepa ya sulako yokokanda kamue ketu, kuenje u lekisa ondimbukiso yu kuatisa oku sanga ovideo, Momo Lie Ndi Lilongisila Embimbiliya?

• Lekisa ovideo losapi hati: Ndamupi tu Kolela Okuti Embimbiliya li Vangula Ocili?, kuenda eca ombrochura Olondaka Viwa, loku lombolola ocipama 3