Sivaya Yehova Vokuenda Kuomuenyo Wove!

Omuenyo ombanjaile yimue yi kuete esilivilo lialua. Onjila ndomo tu talavaya lombanjaile yaco eteke leteke, yi situlula ndomo tu yi tenda. Omo okuti Tulombangi Via Yehova, tu likolisilako oku talavaya lolongavelo kuenda ovoloño etu oco tu sivaye loku kemainya Yehova, Ono Yomuenyo. (Osa. 36:9; Esit. 4:11) Pole, oku sakalala lovina violuali lulo lua vĩha, ci pondola oku honguisa ekolelo lietu. (Mar. 4:18, 19) Omunu lomunu pokati ketu, o sukila oku lipula ndoco: ‘Nda siata hẽ oku likolisilako oku linga upange wa Yehova? (Hos. 14:2) Anga hẽ upange wange woku sanda eteku, u ndi tateka oku tẽlisa upange wa Yehova? Ovimãho vipi ndi kuete konepa yespiritu? Ndi pondola oku vokiya ndati upange wange woku kunda?’ Nda wa limbuka okuti o sukila oku mioñoloha konepa yimue, likutilila ku Yehova oco a ku kuatise kuenda linga apongoloko a sukiliwa. Ocili okuti, oku sivaya Yehova oloneke viosi, ku nena esanju komuenyo!—Osa. 61:8.

TALA OVIDEO LOSAPI HATI: TALAVAYA LULOÑO WOVE OCO O VUMBE YEHOVA, KUENJE TAMBULULA APULILO A KUÃIMO:

• Momo lie ka ca sungulukilile oku talavaya luloño wetu voluali lulo lua Satana? (1 Yoa. 2:17)

• Omanu vana va likolisilako oku linga upange wa Yehova asumũlũho api va kuete?

• Kovopange api a kola o pondola oku talavaya lolongavelo kuenda ovoloño ove?