“Sumba So la Nyõho”

Eci Yesu a kala palo posi wa tõlisa ocihandeleko cokuti: “Sumba so la nyõho.” (Etu. 20:12; Mat. 15:4) Yesu wa kuatele esunga lioku tõlisa ondaka yaco momo eye “wa amamako oku pokola” kolonjali viaye eci a kala umalẽhe. (Luka 2:51) Eci a linga ukulu, wa linga eliangiliyo liokuti inaye amamako oku tatiwa noke yolofa viaye.—Yoa. 19:26, 27.

Koloneke vilo, amalẽhe Akristão okuti va pokola kolonjali viavo kuenda va vangula lavo lesumbilo, va lekisa okuti va vakapako. Omo liaco, ocihandeleko coku sumbila olonjali ka ci kuete esulilo. Ndaño okuti olonjali vietu viakuka, tu sukila oku amamako oku lekisa esumbilo kokuavo oco tu kuatisiwe lolondunge viavo. (Olosap. 23:22) Tu lekisavo esumbilo kolonjali vietu viakuka, poku va kuatisa oku kuata esanju kuenda oku eca kokuavo ovina va sukila. (1 Tim. 5:8) Ci kale okuti tu amalẽhe ale tuakulu, oku amamako oku sapela lolonjali vietu, onjila yimue yoku lekisa esumbilo kokuavo.

TALA OVILUVIALUVIA VIA SONEHIWA VEMẼLA LI YELA LOSAPI HATI: NDI SAPELA NDATI LOLONJALI VIANGE? KUENDA TAMBULULA APULILO A KUÃIMO:

• Momo lie nda siatela oku kuata ohele yoku sapela lolonjali viange?

• O pondola oku lekisa ndati okuti wa sumbila olonjali viove eci o sapela lavio?

  

• Momo lie ci kuetele esilivilo oku likolisilako oku sapela lolonjali viove? (Olosap. 15:22)