OVOKUASI A SANGIWA VONDAKA YA SUKU | EFETIKILO 9-11
“Oluali Luosi Lua Kala Lelimi Limosi”
Yehova ko Bavele wa sandola omanu poku tengisila alimi avo. Koloneke vilo, o kongela owiñi wakahandangala, wa tunda kolofeka viosi kuenda kalimi osi loku va ĩha ‘upopi wa pua esanda’ oco okuti vosi yavo va “vilikiya onduko ya Yehova, loku u vumba lutima umuamue.” (Sof. 3:9; Esit. 7:9) ‘Upopi wa pua esanda,’ u lomboloka ocili catiamẽla ku Yehova kuenda ocipango caye ci sangiwa Vembimbiliya.
Voku lilongisa elimi likuavo mua kongela ovina vikuavo okuti oku patekela lika olondaka viokaliye ci sule. Mua kongela oku lilongisa onjila yimue yokaliye yoku sokolola. Cimuamue haico okuti, osimbu tu lilongisa ocili cupopi wa pua esanda, ovisimĩlo vietu vi pongoluiwa. (Va Rom. 12:2) Onjila yaco yoku lilongisa yamamako momo ci kuatisa afendeli va Suku oku likuata omunga.—1 Va Kor. 1:10.