Nye o Pondola Oku Lilongisila Kovisungo vi Sangiwa vo Broadcasting?

Ovisungo vipi vio broadcasting o sole vali? Momo lie? Anga hẽ olovideo viovisungo viaco vi lekisa ekalo liomuenyo weteke leteke? Ocisikilo locisikilo ci lekisa ocina cimue ca siata komuenyo wetu. Ovisungo viaco vi lekisiwa lovideo, via velapo okuti ovitalukilo ci sule.

Ocisungo locisungo, ci tu longisa ocina cimue tu pondola oku kapako komuenyo wetu Wakristão kuenda kupange woku kunda. Ovisungo vimue vi tiamisiwila koku yekisa, koku likuata omunga, oku linga ukamba, oku kuata utõi, ocisola, kuenda ekolelo. Vikuavo vi vetiya oku tiuka ku Yehova, oku ecela, oku amamako oku pandikisa eteke leteke, kuenda oku likolisilako oku kuata ovimãho viespiritu. Kuli ocisungo cimue ci tukula ndomo tu talavaya lotelefone. Ovina vipi vikuavo wa lilongisa kovisungo vio Broadcasting?

TALA OVIDEO LOSAPI HATI, SOKOLOLA ASUMŨLŨHO TU KA KUATA KOVASO YOLONEKE KUENDA TAMBULULA APULILO AKUÃIMO:

• Asumũlũho api o kovaso yoloneke ohueli yimue ya kuka ya kala oku sokolola?—Efet. 12:3.

• Tu pamisa ndati ekolelo lietu kunene wa Yehova woku tẽlisa olohuminyo viaye?

• Nye tu ka yeva eci tu ka lisanga la va ngandietu va fa?

• Elavoko Liusoma li tu kuatisa ndati oku pandikisa kovitangi tua siata oku liyaka lavio koloneke vilo?—Va Rom. 8:25