Onumbi Yoku Lilongisa
Lilongisa Oku Patekela Ovisungo Vietu
“Eci ame ndi sumua calua, Yehova o ndembeleka pocakati covisungo vio JW Broadcasting.®”—Lorraine, KO ESTADUS UNIDUS
“Ovisungo Viakristão” vi panga onepe kefendelo. (Va Kol. 3:16) Nda o lilongisa oku patekela ovisungo viaco, ovio vi pondola oku ku kuatisa, ndaño okuti ku kuete elivulu liaco liovisungo, ale vo telefone. Seteka oku kuama onumbi eyi, oco yu ku kuatise oku patekela ovisungo vimue.
Tanga lutate olondaka viocisungo, oco o kuate elomboloko liavio. Nda okuti o kuata elomboloko liocina cimue, ci leluka oku ci patekela. Olondaka viovisungo vietu oku kongelamo ovisungo viomãla, vi sangiwa vo jw.org. Pokasapi hati, Ociseleko Calivulu, kuende ponepa Ovisungo.
Soneha olondaka viocisungo vopapelo yimue. Nda wa ci linga ci ka ku kuatisa calua oku vi patekela.—Esin. 17:18.
Ci pitolola lolukandi. Tanga, ale imba ocisungo caco poku ci pitolola.
Seteka ovisungo o pondola oku patekela. Seteka oku patekela olondaka vimue okuti ku vanji vopapelo, noke kũlĩhĩsa ndomo o litunda.