Ndomo tu Talavaya Lonepa Yokuti Ombangulo yi Kuamiwa

Tunde kosãi ya Susu 2018, onepa yokuti ombangulo yi kuamiwa ya siata oku mõleha kemẽla liatete Liekalo Lietu Tuakristão Kuenda Oku Kunda—Ovipama Viohongele. Tu talavaya ndati lonepa yaco?

Ceci tu tambula onepa yimue yondonge kohongele: O pondola oku linga epulilo li sangiwamo, ocisonehua ca tukuiwa kuenda oku sia epulilo li sangiwa ponepa yaco. Pole, eci ka ci lomboloka okuti o sukila oku pitulula olondaka vimuamue via tukuiwa vovideo. Citava okuti o kuama onjila yikuavo yoku fetika ombangulo. O pondolavo oku eca elivulu limue li sangiwa Vocimalẽho cetu coku Longisa, ndaño okuti ka ca tukuiwile vonepa yaco.

Kupange woku Kunda: Onepa yokuti ombangulo yi kuamiwa ya sokiyiwa oco yi tu kuatise. Nda omunu wa sanga wa lekisa onjongole kuenda o yongola oku amamako lombangulo, kuama onepa yokuti epasu. O pondola oku pongolola ombangulo ale oku kunamela ombangulo kulandu umue wa litepa. Anga hẽ ocisonehua cimue ca litepa ci vetiya vali omanu vocikanjo cove? Anga hẽ omanu va kasi vocikanjo o sangiwa va yongola hẽ oku kũlĩha eci ca lipita posongo? O pondola oku kuama ombangulo yi kuamiwa volonepa via litepa pole, ‘cosi ci lingila olondaka viwa.’—1 Va Kor. 9:22, 23.