Oku Talavaya Lonepa Ombangulo yi Kuamiwa

Vamanji valua va kasi oku likolisilako oku talavaya lonepa ombangulo yi kuamiwa kuenje va siata oku kuata onima yiwa vocikanjo cavo. Omo okuti ekalo lioluali li kasi oku pongoloka, kupange woku kunda akundi va pondola oku kuama olonumbi via litepa vi vetiya omanu vocikanjo. Omo liaco, vosi va pondola oku kuama olonumbi viupange ulikasi woku kunda. Ocimãho cetu, oku tẽlisa ocikundi ca Yesu coku kunda olondaka viwa Viusoma.—Mat 24:14.

Eci akundi va tambula ocikele coku linga onepa, ovo va konomuisa onepa ombangulo yi kuamiwa, yi sangiwa Vekalo Lietu Tuakristão Kuenda Oku Kunda. Pole, nda ka kuli onumbi yikuavo, ovo va kuete elianjo lioku nõla epulilo likuavo, ocisonehua, vi ka vetiya onjongole yomanu vocikanjo. Olonumbi evi, vi sangiwa Vekalo Lietu Tuakristão liosãi Yevambi 2020 kemẽla 8.