Kuata Utate Lasapulo Esanda

Koloneke vilo, ovolandu a siata oku lisanduila lonjanga yalua komanu vosi ndeci, vovikanda via sapulo, voradiu, votelevisãu kuenda vo Internet. Vana va vumba “Suku yocili,” va likolisilako oku yuvula oku sandeka asapulo esanda. (Osa. 31:5; Etu. 23:1) Ovohembi a siata oku sandekiwa lomanu, a pondola oku ko ka ovitangi vinene. Oco o kũlĩhe nda ondaka yimue yocili lipula ndoco:

• ‘Anga hẽ ulandu nda yeva wocili?’ Omunu wa popia ulandu waco pamue ka kũlĩhĩle ovina viosi via kongelamo. Omunu lomunu o pitiya ulandu umue lonjila ya litepa, omo liaco kuata utate nda kua kũlĩhĩle ulandu wa suapo. Vana va kuete ocikele coku longisa vekongelo, va sukila oku kuata utate poku pitiya ulandu umue ka wa kũlĩhĩwile ciwa

• ‘Anga hẽ esapulo liesanda?’ Nda okuti esapulo limue li kuete ocimãho coku nyõla ekalo liomunu umue ale liomanu vakuavo, tu sukila oku li yuvula.—Olosap. 18:8; Va Fil. 4:8

• ‘Anga hẽ ulandu waco wa sunguluka?’ Kuata utate poku yevelela ovolandu a molẽha ndu okuti awa a-o a sunguluka

TALA OVIDEO LOSAPI HATI, NDI LIWEKAPO NDATI OKU SANDEKA OLOMBONDE? KUENDA TAMBULULA APULILO AKUÃIMO:

• 

  Ndomo ci lekisiwa Kolosapo 12:18, olondaka vietu vi pondola oku ko ka nye?

• 

  Ukanda ku Va Filipoi 2:4, u tu kuatisa ndati oku kuata ovisimĩlo via sunguluka poku vangula catiamẽla ku vakuetu?

• 

  Nye tu sukila oku linga eci vakuetu va vangula catiamẽla ku vakuavo lonjila yimue ka ya sungulukile?

• 

  Osimbu ka tua fetikile oku vangula catiamẽla ku vakuetu, nye tu sukila oku li pula etu muẽle?