Alonjali, Kuatisi Omãla Vene Oku Kuata Ukũlĩhĩso

Tu kasi voluali lumue okuti ciwa va ci tenda okuti cĩvi, cĩvi ciwa. (Isa. 5:20) Ci sumuisa calua oku mola okuti, omanu vamue va linga ovina Yehova a nyãle, oku kongelamo ovituwa ka via sungulukile ndeci, oku lipekela kuomanu vakuavimatamata vimuamue. Akamba vokosikola lomanu vakuavo va siata oku vetiya amalẽhe vetu oku kuama onjila yavo ka ya sungulukile. O pondola oku pindisa ndati omãla vove oku liteyuila kovitangi ndevi?

Kuatisa omãla vove lukũlĩhĩso wolonumbi via Yehova. (Ovis. 18:3) Kamue kamue, va longisa eci Embimbiliya li popia catiamẽla koku lipekela. Ovina o popia via tamba lika kutunga ovo va kuete kuenda ndomo va kuata elomboloko liaco. (Esin. 6:7) Lipula ndoco: ‘Nda siata hẽ oku longisa omãla vange catiamẽla konjila ndomo va tata ulume ale ukãi, esilivilo lioku wala ciwa kuenda oku sumbila elianjo lia vakuavo? Omãla vange va kũlĩha ale eci va sukila oku linga nda umue o seteka oku va lekisa ovina viumbondo, ale o pinga kokuavo oku linga cimue Yehova a suvuka?’ Ukũlĩhĩso u pondola oku va kuatisa oku yuvula ovina vi pondola oku va nenela ovitangi. (Olosap. 27:12; Uku. 7:12) Poku pindisa omãla vove, o lekisa okuti wa sanjukila ocipiñalo ca eciwa la Yehova.—Osa. 127:3.

TALA OVIDEO LOSAPI HATI, TUNGA ONJO YA KOKA—TEYUILA OMÃLA VOVE “KOVINA VĨVI” KUENDA NOKE TAMBULULA APULILO AKUÃIMO:

• 

  Momo lie vamue va yuvuila oku longisa omãla vavo catiamẽla koku lipekela?

• 

  Momo lie olonjali vi sukilila oku pindisa omãla vavo “lovilongua via Yehova”?—Va Efe. 6:4

• 

  Ovimalẽho vipi ocisoko ca Yehova ca siata oku sandeka oco vi kuatise olonjali oku longisa omãla catiamẽla koku lipekela?—Utala Wondavululi, 19.05 kem. 12, okakasia

• Momo lie o sukilila oku sapela lomãla vove olonjanja viosi osimbu ka va sangiwile vovitangi viaco?