Kuatisa Omunu o Longisa Embimbiliya Oku Yuvula Akamba Vãvi

Vana va lilongisa Embimbiliya oco va kuate ukamba la Yehova, va sukila oku nõla akamba vawa. (Os 15:1, 4) Akamba vawa va ka va kuatisa oku linga ovina via sunguluka.—Olo 13:20; Sanjukili Omuenyo ocipama 48.

Poku kuatisa omunu o longisa Embimbiliya oku yuvula akamba vãvi, o sukila oku kala ukuahenda. Ka ca lelukile kokuavo oku siapo akamba vaco. Omo liaco, lekisa okuti wa va kapako ndaño muẽle voloneke vina okuti ku kasi oku lilongisa lavo. Voku ci linga, mua kongela oku tuma esapulo limue, oku telefonala ale oku va nyula. Osimbu vana o longisa Embimbiliya va kula konepa yespiritu, va laleka oku kala kumue lafendeli va Suku. Kuenje va ka limbuka okuti va kuete akamba valua okuti, vana va sia konyima va sule. (Mar 10:29, 30) Ove o pondolavo oku kuata esanju poku mola ndomo epata lia Yehova li kasi oku livokiya.

TALA OVIDEO LOSAPI, KUATISA OMUNU O LONGISA EMBIMBILIYA OKU YUVULA AKAMBA VÃVI, KUENDA TAMBULULA APULILO A KUAĨMO:

• Akamba vãvi va lomboloka nye?—1Ko 15:33

• Eci Jade a endele kohongele Yakristão ovisimĩlo vipi a kuata?

• Manji Neeta wa kuatisa ndati Jade oku yuvula akamba vãvi?