Velie Akamba Vove vo Internet?

Ukamba u lomboloka “oku li kapako pokati.” Ndeci, Yonatão kuenda Daviti va fetika ukamba umue wa pama noke lia Daviti oku ponda Goliata. (1Sa 18:1) Omunu lomunu wa kuatele ovituwa via vetiya ukuavo. Ocili okuti, ukamba wa pama wa kunamẽla kukũlĩhiso wocili. Oku kũlĩha omunu umue ci sukila otembo kuenda oku likolisilako. Pole, ca leluka calua omanu oku linga “akamba” vo internet poku tioka ño polumbutãu. Omo liaco, vo internet ca leluka komanu oku linga esokiyo lieci va yongola oku popia, loku kũlĩha ovisimĩlo via vakuavo kuenda ci leluka oku limbika ovituwa viavo. Ocili okuti, ci sukila utate oku nõla ‘akamba’ vo internet. Ku ka kuate usumba woku yuvula oku linga ukamba lomanu kua kũlĩhĩle ciwa vo internet. Omo liovitangi via siata oku livokiya calua, omanu vamue va nõlapo oku yuvula oku kala vo Internet otembo yalua. Omo liaco, nda wa nõlapo oku talavaya lo Internet, nye o sukila oku ivaluka?

TALA OVIDEO LOSAPI, KŨLĨHA NDOMO O TALAVAYA LO INTERNET, NOKE TAMBULULA APULILO A KUÃIMO:

• 

  Nye o sukila oku linga osimbu kua sandekele asapulo kuenda alitalatu vo internet?

• 

  Momo lie o sukilila oku nõla lutate akamba vo Internet?

• 

  Momo lie o sukilila oku tepulula otembo o pesila vo Internet?—Efs 5:15, 16.