Olohuela—Ukamba Umue Wotembo Yosi

Olohuela Viakristão vi kasi ciwa, vi eca esivayo ku Yehova kuenda vi sanjuisa ulume lukãi. (Mar 10:9) Oco Akristão va kuate olohuela vi kala otembo yalua havio viesanju, va sukila oku kuama olonumbi Viembimbiliya eci va nõla omunu va yongola oku kuela laye.

Ove hẽ, o kasi oku sima oku fetika oku namulãla? Ivaluka okuti, ciwa oku fetika oku namulãla noke yoku “pitahãla vumalẽhe,” otembo yina okuti oloñeyi vioku lipekela vi ku tateka oku nõla lolondunge onjila o yongola oku kuama. (1Ko 7:36) Talavaya ciwa lotembo yovomalẽhe oco o pamise ukamba wove la Suku loku kuata ovituwa Viukristão. Nda wa ci linga o ka tẽla oku nõla onjila yi ku kuatisa oku kuata olohuela viwa.

Osimbu kua nõlele u o likuela laye, sanda otembo yoku kũlĩha ‘omunu ukueposo liovutima.’ (1Pe 3:4) Nda wa fetika oku kuata atatahãi, sapela lomunu o namulãla laye. Ndeci ca siata vukamba omanu va kuete, volohuela ka citava okuti o tiamisila lika utima koku tambula cimue kohueli yove okuti, ove ku eci lacimue. (Flp 2:3, 4) Nda wa kapako olonumbi Viembimbiliya osimbu kua kuelele, ove o ka tẽla oku li tumbikila ociseveto ci ku kuatisa oku kuata esanju volohuela.

TALA OVIDEO LOSAPI, OKU LIPONGIYILA OKU KUELA—ONEPA 3: TUMÃLA TETE OKU KŨLĨHĨSA EPESE LIACO” KUENDA TAMBULULA APULILO A KUÃIMO:

• Ukamba manji ukãi a kuata la Shane wamamako ndati?

• Nye eye a limbuka osimbu va kala oku amamako lukamba waco?

• Olonjali viaye vio kuatisa ndati kuenda onjila yipi yolondunge a nõlapo?