O Kasi hẽ Oku Talavaya Ciwa Lembimbiliya Lioku Yevelela?

Nye ci lomboloka Embimbiliya lioku yevelela? Li lomboloka Embimbiliya li Kola-Epongoluilo Lioluali Luokaliye lia ngalavaliwa. Olio li kasi oku sandekiwa kamue kamue kalimi alua. Ocina cimue ci kuatisa Vembimbiliya lia ngalavaliwa, ceci okuti, omunu lomunu wa tukuiwa Vembimbiliya, wa ngalavaliwa londaka ya litepa. Olondaka vi tangiwa lolukandi oco vi pitiye esapulo Liembimbiliya lonjila yimue ya suapo.

Ekuatiso lipi li tunda koku yevelela Embimbiliya lia ngalavaliwa? Omanu valua va sole oku yevelela Embimbiliya lia ngalavaliwa, va limbuka ndomo Ondaka ya Suku yi kuete unene. Ovo va limbuka okuti poku yevelela ondaka yimue ya litepa yomunu lomunu wa tukuiwa Vembimbiliya, va pondola oku kuata elomboloko liwa liovolandu Embimbiliya kuenda oku kuata elomboloko lia suapo liulandu wa sonehiwa. (Olo 4:5) Valua va limbukavo okuti oku yevelela Embimbiliya lia ngalavaliwa, ci va kuatisa oku tula utima eci va yeva esakalalo. —Os 94:19.

Oku yevelela Ondaka ya Suku ya ngalavaliwa, ci tu kuatisa calua komuenyo wetu. (2As 34:19-21) Nda okuti Embimbiliya lia ngalavaliwa liosi ale onepa yimue ño kelimi liove, o pondola hẽ oku linga esokiyo lioku li yevelela oloneke viosi?

TALA OVIDEO LOSAPI, UPANGE WOKU NGALAVALA EMBIMBILIYA—ONEPA YIMUE, NOKE TAMBULULA EPULILO LI KUÃIMO:

Nye ci ku komõhisa kupange woku ngalavala Embimbiliya?