EKALO LIAKRISTÃO
Ovo va Talavaya Calua Oco va tu Kuatise
Vamanji va nyula akongelo kuenda akãi vavo, va lekisa ocisola cocili kuenda va kapako calua vana ovo va kuatisa. Pole, ndeci etu, ovo va kuetevo asukila avo kuenda pamue va yeva ekavo, esumuo kumue lasakalalo. (Tia 5:17) Ndaño ndoco, olosemana viosi va siapo ovina viaco, va tiamisila utima wavo koku pamisa vamanji vekongelo va nyula. Ka kuli atatahãi okuti, vamanji va nyula akongelo va “sesamẽla esumbilo lialua.”—1Ti 5:17.
Eci upostolo Paulu a linga esokiyo lioku ka nyula ekongelo ko Roma, oco a ece ku vamanji ongavelo yespiritu, ocimãho caye ca kala cokuti, “vosi yavo va lipamisa pokati.” (Rom 1:11, 12) Ove hẽ, wa sokoluile ale ndomo o pamisa manji o nyula akongelo kuenda ukãi waye nda eye ohueli?
TALA OVIDEO LOSAPI HATI, UPANGE WA VAMANJI VA NYULA AKONGELO KOVITUMÃLO VIOCIPÃLA, NOKE TAMBULULA APULILO A KUÃIMO:
Vamanji va nyula akongelo kuenda akãi vavo va lekisa ndati ocisola vekongelo?
Anga hẽ wa kuatisiwile ale lepasu lia manji o nyula akongelo?
Tu vetiya ndati vamanji vaco?