Ove o Pondola Oku Kuatisa Epata Liove Oku Kuata Esanju

Yehova o yongola okuti apata a kuata esanju. (Os 127:3-5; Uku 9:9; 11:9) Pole, ovitangi violuali lulo kuenda akulueya epata lietu, vi pondola oku tu kokela oku tepulula esanju. Nye omunu lomunu a sukila oku linga oco a kuatise epata oku kuata esanju?

Ulume o sukila oku sumbila ukãi waye. (1Pe 3:7) Eye o pita otembo yalua laye. O lekisa olopandu omo liovina viosi ukãi a siata oku u lingila levi a lingila epata kuenda ka pingi kokuaye ovina eye ka tẽla oku linga. (Kol 3:15) Eye o lekisa ocisola kolondaka lo kovilinga kuenda o pandiya ukãi waye.—Olo 31:28, 31.

Ukãi o kuatisa ulume waye. (Olo 31:12) Eye o pokola kulume kuenda o tava konjila eye a nõla. (Kol 3:18) Eye o vangula lohenda kuenda o lekisavo ohenda poku vangula catiamẽla kokuaye.—Olo 31:26.

Olonjali vi sukila oku pita otembo yalua lomãla vavo. (Esn 6:6, 7) Ovio vi sapuila omãla okuti, va va sole calua. (Mat 3:17) Eci vi sukila oku eca epindiso komãla, vi ci linga lohenda kuenda esunguluko.—Efs 6:4.

Omãla va sukila oku sumbila loku pokola kolonjali viavo. (Olo 23:22) Ovo va sapuila kolonjali ovisimĩlo viavo kuenda ndomo va kasi. Omãla va tava kepindiso liolonjali kuenda va lekisa esumbilo kokuavo.—Olo 19:20.

TALA OVIDEO LOSAPI HATI, KUATA ESANJU VEPATA KUENDA TAMBULULA EPULILO LI KUAĨMO:

• Nye omunu lomunu a sukila oku linga oco vepata mu kaile esanju?