Anga Hẽ Suku O Yevelela Olohutililo Viove?
Eci o likutilila, o sima hẽ okuti Suku oku yevelela?
NYE EMBIMBILIYA LI POPIA?
Suku o yevelela. Embimbiliya li tu vetiya hati, “Yehova o kasi ocipepi la vosi vo vilikiya, okuti vo vilikiya ocili. . . . O yeva uteto wavo, o va popela.”—Osamo 145:18, 19.
Suku o yongola okuti, ove o likutilila kokuaye. Embimbiliya li tu laleka hati: “Kovina viosi lolohutililo kuenda alombelo kumue lolopandu, apingilo ene a kũlĩhĩwe la Suku.”—Va Filipoi 4:6.
Suku o ku tata. Suku wa kũlĩha asakalalo etu kuenda ovitangi vietu kuenje o yongola oku tu kuatisa. Embimbiliya li popia hati: “Yeki kokuaye ovilemo viene viosi, momo eye o vu tati.”—1 Petulu 5:7.