Lilongisila Kalitalatu

Valivulu etu, mueyuka alitalatu alua a tu longisa atosi a kuete esilivilo. O pondola oku talavaya ndati loviluvialuvia viaco oco vi ku kuatise?

• Osimbu kua tangele ocipama cimue, luluvalela lutate koviluvialuvia viaco. Oviluvialuvia vi pondola oku vetiya onjongole yove yoku tanga ocipama caco. Ndeci, eci ove o mola okulia kumue kupepa pelonga limue, o kuata onjongole yoku lia okulia kuaco. Cimuamue haico okuti, ove o pondola oku kuata onjongole yoku tanga ocipama cimue nda tete wa luluvala koviluvialuvia. Omo liaco, eci o vanja kociluvialuvia cimue lipula ndoco: Nye ndi kasi oku mola?​—⁠Amo. 7:​7, 8.

• Poku tanga ocipama cimue, sokolola esunga lieci kua nõliwila ociluvialuvia caco. Tanga lutate alomboluilo ociluvialuvia nda vocipama muli. Sokololavo lutate ndomo ociluvialuvia ci kuete elitokeko lulandu wocinimbu kuenda ndomo o kapako komuenyo wove ovina wa lilongisila kociluvialuvia caco.

• Noke lioku tanga ocipama, luluvalela vali koviluvialuvia, oco vi ku kuatise oku ivaluka atosi a velapo. Noke yika ovaso, loku seteka oku ivaluka oviluvialuvia kuenda ovina wa lilongisa.

• Momo lie ku pituluila vali oku tala oviluvialuvia viocipama Cutala ulo Wondavululi kuenda oku limbuka nda o tẽla oku ivaluka atosi wa lilongisa?