“Tala Alitalatu!”

Olonjanja viñami wa popele ondaka eyi, ale wa yi sapuilile kukuene eci o yulula Utala Wondavululi wokaliye? Alitalatu a posoka a sangiwamo a pangiwa locimãho cimue. A tu longisa ovina vialua, kuenda a tu kuatisa oku sokolola. Alitalatu a tu kuatisa calua poku pongiya ocipama oco tu ece atambululo Velilongiso Liutala Wondavululi.

Poku pongiya ocipama cimue, kũlĩhĩsa lutate elitalatu li kasi kefetikilo liocipama caco, kuenda likuavo li kuãimo. Alitalatu aco a lekisa nye? A tiamisiwila ndati kosapi yocipama celilongiso, ale kocinimbu Cembimbiliya kua kunamẽla osapi yaco? Noke, sokolola ndomo alitalatu akuavo a pondola oku ku kuatisa oku kuata elomboloko liocipama caco, kuenda ndomo a ku kuatisa komu e nyo wove.

Manji o songola ocipama Celilongiso Vutala Wondavululi, o sukila oku ecelela vamanji oco va ece atambululo atiamẽla kalitalatu aco. Va pondola oku lombolola ndomo a tiamisiwila kocipama celilongiso, kuenda ndomo tu kuatisiwa lalitalatu aco. Olonjanja vimue pombuelo yemẽla pa sangiwa etosi li lekisa ocinimbu ci likuata lelitalatu liaco. Manji o songola ocipama caco, o sukila oku kũlĩhĩsa lutate oco a limbuke ocinimbu ci likuata lelitalatu liaco. Nda wa ci linga, vosi yetu tu kuatisiwa oku limbuka ndomo alitalatu a pondola oku tu longisa olonumbi vi tunda Vondaka ya Suku.

Manji umue wa popia hati: “Noke yoku tanga ocipama cimue ci kuete ulandu u vetiya utima, alitalatu aco a kasi ndombolu ya pindaliwa.”