Oku li Loya Kosikola—Nye Embimbiliya li Popia?

Keteke 24 ya Kupemba yunyamo 2022 kua pita ocilunga cimue ci komõhisa vimbo limue litito luo Uvalde volupale luo Texas ko Estadus Unidus. Ukanda wasapulo The New York Times wa lekisa okuti: “Omunu umue wa ponda 19 komãla kuenda alongisi vavali . . . Kosikola Robb ku Tangela Omãla.”

Ci sumuisa calua ceci okuti, ovolandu aco a siata oku li pita calua. Ukanda wasapulo USA Today wa popia okuti, ko Estadus Unidus “kua pita 249 kovolandu oku li loya kolosikola unyamo wa pita okuti, wa pitahãla anyamo akuavo oku upisa kunyamo 1970.”

Momo lie kua pitila ungangala waco? Tu pondola oku liyaka ndati lovilunga viaco viungangala? Kuli hẽ elavoko liokuti ungangala u ka pua? Embimbiliya lieca atambululo aco.

Momo lie ungangala wa livokiyila calua voluali?

•  Embimbiliya li tukula otembo tu kasi cilo okuti, ‘oloneke via sulako,’ eci omanu valua va laikele oku kala okuti, “ka va kuata ocisola” kuenda “olongangala” okuti, va li tumbika koku linga ovina vĩvi. Vana va lekisa ovituwa viaco, va laikele oku ‘amamako oku linga eci cĩvi.’ (2 Timoteo 3:1-5, 13) Oco o lilongise ovina vikuavo, tanga ocipama “Será que a Bíblia já falava como as pessoas iriam pensar e agir hoje? (Anga hẽ Embimbiliya Lia Popele Ale Ndomo Omanu va Laikele Oku Sokolola Loku Linga Ovina Koloneke Vilo?)”

Omanu valua va pula okuti, ‘Momo lie Suku ka tatekela ovilunga ndeci ovolandu oku li loya kolosikola?’ Oco o kũlĩhe etambululo Liembimbiliya, tanga ocipama “Omanu Vawa va Siata Oku Liyaka Lovina Vĩvi—Momo Lie?”

Tu liyaka ndati lovina viaco vĩvi?

•  “Momo ovina viosi via sonehiwa osimbu, via sonehiwila oku tu longisa okuti, omo liepandi lietu kuenda elembeleko li tunda Kovisonehua, tu kuata elavoko.”—Va Roma 15:4.

Olonumbi Viembimbiliya vi pondola oku ku kuatisa oku liyaka lovina viungangala vi pita voluali lulo. Tanga Omasuli! losapi hati: “A violência vai acabar algum dia?”

Oco o kũlĩhe vimue pokati kolonumbi ndomo olonjali vi pondola oku kuatisa omãla vavo oku liyaka lasapulo a saluisa, tanga ocipama “O impacto das notícias em seus filhos.”

Anga hẽ ungangala u ka pua?

•  “Eye o ka va yovola kohali kuenda kungangala.”—Olosamo 72:14.

•  “Ovo va ka pongolola olosipata viavo oco vi linge atemo kuenda ovonga avo a ka linga olomĩla. Ofeka ka yi ka katukila ofeka yikuavo losipata, ka va ka lilongisa vali uyaki.”—Mika 4:3.

Suku o ka linga ovina omanu ka va pondola oku linga. Uviali waye wo kilu u ka kundula ovota osi kuenda u ka malako ungangala wosi. Oco o lilongise ovina vikuavo viatiamẽla kueci Usoma wa Suku u ka linga, tanga ocipama “O Reino de Deus vai trazer “abundância de paz.”