Anga hẽ Omunu o Pondola Oku Kũlĩha Helie wa Soneha Embimbiliya?

Etambululo Liembimbiliya

Valua va lilongisa okuti, ka tu pondola oku kũlĩha omanu va soneha Embimbiliya. Pole, Embimbiliya li tukula olonjanja vialua omanu va li soneha. Kuli ovinimbu vi fetika lolondaka vimue ndoco, “olondaka via Nehemiya,” “ocinjoinjoi Isaya,” kuenda “ondaka ya Yehova yeya ku Yoeli.”—Neh. 1:1; Isa. 1:1; Yoe. 1:1.

Asonẽhi valua Vembimbiliya va limbuka okuti va sonẽha onduko ya Yehova, okuti eye lika Suku yocili, kuenda okuti va songuiwa laye Aprofeto va sonẽha Ovisonẽhua vio Helasi onduko yaco va yi tukula eci ci pitahãla 300 kolonjanja hati, “Oco ca popia Yehova” (Amo. 1:3; Mika 2:3, 4; Nahumi. 1:12,) Asonẽhi vakuavo va tambula esapulo lia Suku lekuatiso liovangelo.—Sakariya. 1:7, 9.

Embimbiliya lia sonehiwa la 40 komanu, votembo yi soka 1.600 kanyamo. Vamue va soneha alivulu alua Embimbiliya. Ocili okuti, Embimbiliya li kuete 66 kalivulu. Ovisonehua vio Heveru vi kuete 39 kalivulu a kũlĩhiwa okuti Otestamento yale kuenda 27 kalivulu a sangiwa Kovisonehua vio Helasi, okuti olonjanja vialua a tukuiwa okuti Otestamento Yokaliye.