Anga hẽ Eliapu Olio Ono Yohali Yosi?

Etambululo Liembimbiliya

Embimbiliya li situlula okuti Satana Eliapu omunu muẽle, kuenda o sokisiwa londiandia ci linga ovina viosi a yongola poku ‘kemba’ kuenda oku ‘punda.’ Embimbiliya li popia hati, eye o kasi oku amamako oku “liluvikiya ndungelo wocinyi.” (2 Va Tesalonike 2:9, 10; 2 Va Korindo 11:14) Ondimbukiso yokuti kuli Eliapu tu yi limbukila kovina a siata oku linga.

Ocili okuti, Eliapu halioko lia siata oku koka ohali yosi. Momo lie tu popela ndoco? Momo Suku wa lulika omanu lepondolo lioku tepisa pokati keci ciwa leci cĩvi. (Yehosua 24:15) Nda tu nõla oku linga ovina ka via sungulukile, tu kuata ovitangi vialua.—Va Galatia 6:7, 8.