Oku Tumuha Kuavava Ocimbiambiulu Cekovi

Oco ovimbiambiulu vi palãle, vi talavaya lowuya wutanya oco vi tokotise olosinga. Pole, eci ka ku kala utanya ocimbiambiulu cekovi ci tẽla oku pãlala lonjanga okuti vikuavo ci sule. Ci pondola oku ci linga ndati?

Kũlĩhĩsa ndoco: olombuto vialua viovimbiambilu Osimbu ka via pãlalele, vi kala vutanya lavava a yikiwa ale a yikuiwa lonjila yasiuha. Pole, ocimbiambiulu cekovi ci talama lavava a tumuha. Akonomuiso a situlula okuti, oco vi litokotise ciwa ocimbiabiulu caco, ci sukila oku amamako lavava a yikuka vevindi li soka 17. Onjila yaco yu kuatisa oku iñila ovuya wutanya volosinga viavava oco ci pãlale.

Vakuakunomuisa kosikola ya velapo yo Exeter ko Inglaterra, va kũlĩhĩsa nda va ponduile oku panga ovimalẽho via velapo vieca olusu, lekuatiso liutanya poku setukula ekalo liavava liocimbiambiulu caco. Poku ci linga va limbuka okuti, etendelo liolusu lia livokiya kueci ci soka 50 kolopursendu.

Vakuakukonomuisa va limbukavo okuti, oñoño yavava ocimbiambiulu ya pelevela calua. poku setukula ekalo liavava ocimbiambiulu cekovi, vakuakukonomuisa va panga ovimalẽho via velapo vieca olusu, lekuatiso liutanya. Onima yaco ya vetiya ulongisi Richard ffrench-Constant watiamẽla kocimunga ca vakuakukonomuisa oku tukula ocimbiambiulu cekovi, okuti “ukuoloño koku soleka olusu yi tunda kutanya.”

Nye o sima? Oku Tumuha Kuavava ocimbiambiulu cekovi kua tukuluka ño? Ale kua lulikiwa?