Okukuatisa Omanu Oco Valitokeke ku Yehova

“Lomue iya ku Isia, te lame.”—YOANO 14:6.

1. Ocihandeleko cipi ukuepinduko Yesu aeca kolondonge viaye, kuenda nye ciyililako eci Olombangi via Yehova vipokola kocihandeleko caco?

YESU KRISTU wahandeleka oloñame viaye oco viende vi ‘katavise olofeka viosi oco va linge olondonge. Loku va papatisila vonduko ya Tate la Mõla kuenda yespiritu sandu.’ (Mateo 28:19) Vokuenda kuanyamo ekũi asulako, Olombangi via Yehova viakuatisa eci cipitahãla olohuluwa vitatu viomanu okuiya ku Suku, kuenje noke va papatisiwa ndocindekaise cokulitumbika kuavo kokuaye oco valinge ocipango caye. Hesanjukuolio tukuete omo lioku va kuatisa okutokeka ku Suku!—Tiago 4:8.

2. Ndaño okuti valua vasiata okupapatisiwa, nye casiata okupitako?

² Kolofeka vimue olondonge vialua viokaliye viasiata okupapatisiwa, pole, etendelo liakundi Vusoma kalikasi okulivokiya. Oco muẽle, kalikasi okulivokiya omo okuti, kuasiata okutepuluiwa akundi vasiata okufa. Unyamo lunyamo kufa etendelo lisoka 1%. Handi vali, kanyamo asulako ndeti etendelo limue linene liakundi liasiata okukonyõha omo liovina vimue. Momo lie? Vocipama cilo kuenda vocipama cikuaĩmo tukalilongisa ndomo omanu vatokekiwa ku Yehova kuenda ovina vikokisa vamue okukonyõha

Esunga Liupange Wetu Wokukunda

3. (a) Ocikundi cakundikiwa kolondonge via Yesu calisoka ndati leci cungelo watukuiwa Kesituluilo 14:6? (b) Onjila yipi yasiata okulekisa okuti yiwa kokuvetiya onjongole yomanu kondaka Yusoma, pole ocitangi ce cikasiko?

³ “Kotembo [yila] yesulilo” olondonge via Yesu vikuete ocikele cokusandula “ukulĩhĩso [“wocili”, NW]” “[W]ondaka eyi yiwa yusoma.” (Daniele 12:4; Mateo 24:14) Ocikundi cavo calisoka leci cungelo “wambata esapulo liwa liotembo ka yi pui oku sapula komanu va tunga kilu lieve, lo kolofeka viosi, lo kapata osi, lo ku vakualimi aiñi aiñi osi, lo komanu vosi.” (Esituluilo 14:6) Voluali lulo okuti esakalalo liomanu liatiamẽla lika kovina via vakualuali, onjila yiwapo vali yokuvetiya onjongole yavo Kusoma wa Suku kuenda oku vakuatisa oco valitokeke ku Yehova, okuvasapuila eci catiamẽla kelavoko liomuenyo ko pui vofeka yelau palo posi. Ndaño okuti eci casunguluka, puãi vana vasiata okulikongela lomanu va Suku vapondola lika okuiñila Vofeka Yelau nda vapandikisa lolomahi viavo vonjila yasukatela yituala komuenyo.—Mateo 7:13, 14.

4. Ndomo capopiwa la Yesu kuenda lungelo okasi okupãlãla vokati kilu, Esulilo liupange wetu wokukunda nye?

⁴ Yesu wapopia hati: “Omuenyo ko pui wowu, oku ku kũlĩha, ove lika vu Suku yocili, loku kũlĩhavo Yesu Kristu, u wa tuma.” (Yoano 17:3) Ungelo okasi okupalãlã vokati kilu olombolola “esunga liwa liotembo ka yi pui” kuenje osapula komanu vatunga vongongo hati: “Sumbili Suku. U wihi ulamba, momo owola yaye yoku tetulula yeya. Fendeli u wa lulika ilu losi lokalunga kuenda olono viovava.” (Esituluilo 14:7) Eci cilomboloka okuti esunga liavelapo liokukunda kuetu olondaka viwa liatiamẽla koku kuatisa omanu oco valitokeke ku Yehova vonduko ya Kristu Yesu.

Ocikele Cetu Kupange wa Yehova

5. Olondaka vipi viapopiwa la Paulu kuenda la Yesu vilekisa okuti tukasi okulinga upange wa Yehova, puãi hawetuko?

⁵ Pokusonehela ku vakuavo Akristão olombuavekua, upostolo Paulu wapopia “upange woku inalisa” kuenda hati Suku wa inalisa omanu kokuaye muẽle pokati kocilumba ciyovola ca Yesu Kristu. Paulu wamisako hati, oco “okuti elaleko lia Suku li pitiyiwa letu.” Kuenda hati “vonduko ya Kristu tu vu peya tuti, Linali[si] la Suku.” Holondakakuovio visanjuisa! Cikale okuti ‘tulomunga via Kristu’ ale tulondingupange lelavoko lia palo posi, lalimue eteke katukaivaliko okuti upange owu wa Yehova hawetuko. (2 Va Korindo 5:18-20) Ocili okuti Suku eye okoka omanu kuenda olongisa vana veya ku Kristu. Yesu wapopia hati: “Lomue o te?la oku iya kokuange, te Isia wa numa u koka. Kuenje ame ndu pindula keteke lia sulako. Ca sonehiwa vovaprofeto citi, kuenje vosi va longisiwa la Suku. Wosi o yeva ku Isia, loku lilongisa kokuange, iya kokuange.”—Yoano 6:44, 45.

6. Yehova okasi okufetika hẽ ndati okutuñunya olofeka, kuenda vonjanja yaco, helie okasi okusanga ekoliso “vonjo” yefendelo?

⁶ Koloneke vilo viasulako, Yehova okoka hẽ ndati omanu kuenda oyuluila hẽ ndati kokuavo “epito liekolelo”? (Ovilinga 14:27, 2 Timoteo 3:1) Onjila yimue eye asiata vali okucilinga okutuma Olombangi viaye vikunda ondaka yaye yatiamẽla keyovo kuenda kesombiso akanena koluali lulo lũvi. (Isaya 43:12; 61:1, 2) Akundi ava vasangiwa voluali luosi, vakasi okululumisa olofeka viosi—londaka yimue yolukundu lunene lulaika okuiya ndopo. Vonjanja yimuamue, omanu vana okuti ‘va posoka, [NW note]’ kovaso a Suku vakasi okutepiwa koluali lulo kuenda vakasi okusanga okukolapo ‘vonjo’ yaye yefendelo liocili. Ndoco Yehova okasi okutẽlisa olondaka viowanji waye viasonehiwa kelivulu lia Hagai viti: “Ndi tuñunya olofeka viosi okuti kuiya ovina via velapo vi tunda kolofeka viosi, lame njukisa onjo yilo lulamba.”—Hagai 2:6, 7; Esituluilo 7:9, 15.

7. Yehova oyulula hẽ ndati ovitima viomanu kuenda okuvakokela kokuaye kuenda Komõlaye?

⁷ Yehova oyulula ovitima viomanu vaco ava vasumbila-Suku—okuti ovo “ovina via vianõliwa vi tunda kolofeka viosi”—okuti “va yeva lutate kovina vikasi okupopiwa.” Lolombangi viaye (Hagai 2:7, Jewish Publication Society; Ovilinga 16:14, NW) Ndeci cakala kocita catete canyamo, oloneke via Yehova olonjanja vimue otumavo ovangelo vaye oco vasonguile Olombangi viaye komanu vakuesunguluko okuti valisiõsũila kokuaye oco avakuatise. (Ovilinga 8:26-31) Osimbu omunu lomunu pokati kavo alilongisa eci catiamẽla keliangiliyo likomõhisa Suku avalingila pokati Kamõlaye, Yesu Kristu, ovo valitokeka ku Yehova omo liocisola caye. (1 Yoano 4:9, 10) Oco muẽle, Suku okokela omanu kokuaye muẽle kuenda Komõlaye “lovilinga [Viaye] viocisola” ale “locisola casunguluka NW, nota.”—Yeremiya 31:3

Helie Yehova Akoka?

8. Omanu vapi Yehova akoka?

⁸ Yehova okokela kokuaye kuenda Komõlaye vana vosandiliya Eye. (Ovilinga 17:27) Eci cikongela omanu vana okuti “va lisiõsiõla loku leñaila avĩho osi a lingaiwa” la Akristão vesanda, kuenda, a a asiata okulingiwa kolonepa viosi violuali. (Esekiele 9:4) Ovo “vakuosuke kovina viespiritu.” (Mateo 5:3, NW) Ocili mue?le ovo, “ambombe vofeka,” vaka kala vocumbo celau palo posi otembo ka yi pui.—Sofoniya 2:3.

9. Yehova olimbuka ndati nda omunu wa “noliwila omuenyo ko pui,” kuenda eye ukoka hẽ ndati?

⁹ Yehova opondola okutanga eci cikasi vutima womunu. Soma Daviti walomboluile komõlaye Salomone hati: “Yehova o pendusola ovitima viosi, kuenje o limbuka ovipangelo viosi viovisimĩlo. Nda ove u sanda, eye o tava oku sangiwa love.” (1 Asapulo 28:9) Lokuvanja konjongole yutima womunu kuenda kekalo liaye liespiritu, ale kovituwa viaye, Yehova opondola okulimbuka komunu cikale ukãi ale ulume nda otava ale nda ndati keliangiliyo lia Suku liokuteteliwa akandu kuenda oku kuata elavoko liomuenyo ko pui voluali luokaliye lua Suku luesunga. (2 Petulu 3:13) Pokati kondaka yaye, yikasi okukundiwa kuenda okulongisiwa Lolombangi viaye, Yehova okokela kokuaye kuenda Komõlaye “vosi [vasunguluka] va noliwila omuenyo ko pui” kuenje “va tava”—Ovilinga 13:48.

10. Nye cilekisa okuti Yehova okukoka vamue kuenje vakuavo havoko kakukongela okuti omanu ava wa vapanga ale lesunguluko oco a vanole?

¹⁰ Oco hẽ Yehova okukoka ño vamue vakuavo havoko, kacilekisa hẽ okuti ava vakokiwa valulikiwila ale okunõliwa? Sio, hacoko! Esunga lia Suku liokukoka omanu vaco liatiamẽla konjongole yavo muẽle. Eye katateka ocipango cavo cokunola eci cavasungulukila okulinga. Yehova etaili, okapa kovaso yomanu vosi vatunga kulo kilu lieve okunõla kumuamue kuakapiwile kovaso a va Isareli kanyamo 3.000 konyima, eci Mose apopia hati: “Etaili nda ku kapela omuenyo luwa, kuenda okufa lũvi. . . . Mbilikiya ilu losi okuti vi linga olombangi vioku ku pisa omo nda ku kapela omuenyo lokufa kuenda esumũlũho lesiñalo. Oco, nõla omuenyo, okuti ove lombuto yove vu kala lomuenyo, kuenje vu sola Yehova, Suku yove, loku pokola kondaka yaye loku likakatela laye. Momo nda oco o linga o kala lomuenyo kuenje oloneke viove vi lua.”—Esinumuĩlo 30:15-20.

11. Va Isareli nda valekisa hẽ ndati okuti vanola omuenyo?

¹¹ Kulimbukiwa okuti va Isareli vanolapo omuenyo omo ‘lioku sola Yehova, Suku yavo, loku pokola kondaka yaye kuenda loku likakatela laye.’ Otembo olondaka evi viapopiwa, va Isareli kavapiñalele handi Ofeka Yohuminyo. Ovo vakala lokupuyukapo Vanyala a Moavi, okuti valipongiyile ale oco va yoke Olui Yordão kuenje oco vañile vo Kanana. Ndaño okuti casungulukile okuti ovo va tiamisila ovisimĩlo viavo kofeka “yiwa yinene” okuti “yi tumõha asenjele lowiki” okuti kua kambele okatembo kamue ño nda va yitambula, pole okusuisapo elavoko liavo, kuatiamẽlele lika ko ku kuatela kuavo ocisola Yehova, loku pokola kondaka yaye kuenda okukakatela kokuaye (Etundilo 3:8) Mose walombolola calua ciwa olondaka evi pokupopia hati: “Nda o pokola kovihandeleko via Yehova, Suku yove, evi ñasi loku ku ĩha etaili, okuti o sola Yehova, Suku yove, kuenje wendela volonjila viaye, loku lava ovihandeleko viaye lovisila viaye lovihõlo viaye, oco o kala lomuenyo kuenda o lua. Kuenje Yehova. Suku yove, o ku sumũlũĩsila vofeka wendela oku ka yi kuata.”—Esinumuĩlo 30:16.

12. Ongangu ya Isareli te yitulongisa nye catiamẽla kupange wetu wokukunda kuenda wokulongisa?

¹² Osiahũlu ka yi tulongisa hẽ ovina vimue viatiamẽla kupange wetu wokukunda kuenda wokulongisa kotembo yilo yesulilo? Etu tuasiata okusokolola eci catiamẽla Kofeka Yelau yilaika okuiya palo posi kuenda tuasiata okusapela lomanu catiamẽla Kofeka yaco Yelau kupange wetu wokukunda. Puãi cikale etu ale olondonge tukasi okulongisa lomue okamola okutẽlisiwa kuolohuminyo evi nda etu ale ovo tukasi okuvumba ño Suku oco tutẽlise olonjongole vietu. Ndeci va Isareli, etu kuenda vana tukasi okulongisa te tualilongisa oku ‘sola Yehova, loku pokola kondaka yaye loku likakatela laye.’ Nda tua ivaluka ovina evi eci tukasi vupange wokukunda, ocili muẽle tukatalavaya kumosi la Suku kokukokela omanu kokuaye.

Tulondingupange Kumosi la Suku

13, 14. (a) Ndomo casonehiwa ko 1 Va Korindo 3:5-9, tupondola ndati okulinga olondingupange kumosi la Suku? (b)Helie osesamẽla okusivayiwa vali kondaka yevokiyo limue, kuenda momo lie?

¹³ Paulu wasokisa oku talavaya kumosi la Suku lokulima vepia. Eye wasoneha hati: “Apolosi [h]elie. Paulu [h]elie. Ovo vakuopange, kuenje va talavaya ndeci Ñala a va kundika, omunu omunu, oku u tavisi Ame nda kũla, Apolosi wa tapela, Suku puãi wa kulisa. Oco, ndaño u o kũla, ndaño u o tapela, vosi yavo hacimueko, te Suku ukuakukulisa. U o kũla lu o tapela va lisoka, kuenje va tambula omunu omunu onima ya sesamela upange waye. Etu tulondingupange kumosi la Suku. Ene wupia lia Suku.”—1 Va Korindo 3:5-9.

¹⁴ Omo okuti tulondingupange kumosi la Suku, tusukila okukũla lekolelo “ondaka yusoma” kovitima viomanu, kuenda oku tapela vana valekisa onjongole lokulinga apasu a pongiyiwa ciwa kuenda oku valongisa Embimbiliya. Nda osi yutima yiwa, Yehova okalinga onepa yaye lokulinga okuti ombuto yocili co Vembimbiliya. Yikula kuenda yima apako. (Mateo 13:19, 23) Eye muẽle okakokela omunu waco kokuaye kuenda Komõlaye. Okucikũlĩhĩsa ciwa lutate, evokiyo liosi likongeliwa ketendelo liakundi Vusoma lilingiwa omo liupange wa Yehova watiamẽla kokukũlĩhĩsa ovitima viomanu, lokulinga okuti ombuto yocili co Vembimbiliya yakula kuenje okokela omanu vaco kokuaye muẽle kuenda Komõlaye.

Okulinga Upange Umue Utuihinya Otembo Yosi

15. Olusapo lupi Paulu atukula oco alekise ndomo etu tukuatisa vakuetu oco vakuate ekolelo?

¹⁵ Ndaño okuti tusanjuka lokumõla evokiyo, onjongole yetu yavelapo, okumõla okuti omanu vatuihinya okukuatela ocisola Yehova, oku pokola kondaka yaye, kuenda oku kakatela kokuaye. Tukuata esumuo lialua eci tumola vamue vafetika okupola kuenje noke vakonyõha. Kuli hẽ cimue tupondola okulinga okuti citukuatisa okuliteyuila kovina evi? Kolusapo lukuavo, Paulu walekisa ndomo tukuatisa vakuetu okukuata ekolelo. Eye wasoneha hati: “Lomue o tẽla oku seveta ociseveto ciñi, te lika eci ca sevetiwa ale cokuti Yesu Kristu. Nda umue o tungila kociseveto caco ulu, pamue opalata, pamue ovawe a tĩla, pamue oviti, pamue owangu, pamue ovisila viaño, upange womanu vosi, omunu omunu, u limbukiwa. Momo eteke liaco li u limbukisa, omo u setekiwa londalu. Ondalu yi seteka upange womunu omunu ndomo u kasi.”—1 Va Korindo 3:11-13.

16. (a) Alusapo avali atukuiwa la Paulu alitepa ndati kueci cisukila okutẽlisiwa? (b) Okutunga kuetu kulekisa hẽ ndati okuti kakusanjuisa kuenda kakukuete epondolo liokupuluka kondalu?

¹⁶ Kolusapo lua Paulu luatiamẽla kepia, oku kula kuatiamẽla koku kũla luloño, oku tapela olonjanja viosi, kuenda kesumũlũho lia Suku. Olusapo lukuavo lupostolo lulombolola ocikele cupange Wukristão watiamẽla kovilinga upange waye ukalekisa kovaso. Eye otalavaya hẽ vociseveto cakoleliwa lovikuata viwa viokutunga? Paulu walungula hati: ‘Vosi, omunu omunu a lunguke ndomo a tunga.’ (1 Va Korindo 3:10) Okuvetiya onjongole yomunu lokusapuilako elavoko liokukuata omuenyo ko pui Vocumbo Celau, oco hẽ tuloñisa lika okulongisa kuetu kukũlĩhĩso wefetikilo Wovisonehua kuenje tuivalako okuvetiya eci cavelapo vali komunu, okuti oco asukila okulinga oco akuate omuenyo ko pui? Hanga hẽ okulongisa kuetu kutiamẽla lika kovina ndeci evi: ‘Nda ove oyongola okukala Vofeka yelau otembo yenda ño hũ, te walilongisa, te wandaenda kolohongele, kuenda te wakuata onepa kupange wokukunda’? Nda oco, ka tukasi okutungila ekolelo liomunu kociseveto cakõla, kuenda eci tukasi okutunga kacikuete epondolo liokupita vondalu yolohali ale okutamalãla koloseteko otembo yalua. Okuseteka okukoka omanu ku Yehova oco valavoke okukuata omuenyo ko pui Vofeka Yelau ndofeto omo lianyamo amue añami ñami koku uvumba calisoka lokutunga ‘loviti, lowangu, ale lovisila viaño.’

Okuvetiya Ocisola ku Suku Kuenda ku Kristu

17, 18. (a) Nye cisukiliwa calua nda omunu okuata ekolelo liapama? (b) Tupondola okukuatisa ndati omunu oco akape Kristu kutima waye?

¹⁷ Oco ekolelo likolisiwe, olio te liasevetiwa vukamba omunu akuata la Yehova Suku vonduko ya Yesu Kristu. Omo okuti katualipuile, tutẽla lika okukuata ukamba waco wombembua la Suku vonduko yo Mõlaye. (Va Roma 5:10) Ivaluka okuti Yesu wapopia hati: “Lomue iya ku Isia, te lame.” Oco tukuatise vakuetu okukuata ekolelo, tusukilavo okuivaluka okuti: “Lomue o tẽla oku seveta ociseveto ciñi, te lika eci ca sevetiwa ale cokuti Yesu Kristu.” Eci hẽ cikongela nye?—Yoano 14:6; 1 Va Korindo 3:11.

¹⁸ Okutungila vu Kristu ndociseveto cilomboloka okulongisa lonjila yimue okuti ondonge Yembimbiliya yikuata ocisola cocili la Yesu omo liokukũlĩha ciwa ocikele Caye okuti eye Onjovoli, Utue wekongelo, Ocitunda Cinene cikuete ocisola calua, kuenda haeye Soma waviala. (Daniele 7:13, 14; Mateo 20:28; Va Kolosai 1:18-20; Va Heveru 4:14-16) Eci cilomboloka okuti ovo valimbuka Yesu okuti omunu wocili kokuavo kuenje okala vovitima viavo. Olohutililo vietu kokuavo te vialisoka lalombelo a Paulu atiamisile ka Akristão va Efeso. Eye wasoneha hati: “Ñekama si likutilila ku Isia, . . . okuti [ecelela], . . . okuti, omo vu kasi lekolelo, oco Kristu o kala vovitima viene, lomo wa tuameli loku sevetiwa vocisola.”—Va Efeso 3:14-17.

19. Nye ciyilila kokuvetiya ovitima violondonge Viembimbiliya okukuata ocisola Kristu, pole nye cisukila okulongisiwa?

¹⁹ Nda tutunga ndoco okuti vovitima violondonge vietu mukuata ocisola la Kristu, kakuli atãtãhai okuti eci cikavakokisa okukuatelavo ocisola Yehova Suku. Ocisola ca Yesu, ohenda yaye, kuenda ocikembe caye elekiso limue liasuapo liovituwa via Yehova. (Mateo 11:28-30; Marko 6:30-34; Va Heveru 1:3) Omo liaco, osimbu eci omanu vafetika okukũlĩha kuenda okusola Yesu, ovo vakakũlĩha kuenda vakasolavo Yehova.a (1 Yoano 4:14, 16, 19) Tusukila okulongisa olondonge Viembimbiliya okuti Yehova okasi konyima yovina viosi Kristu alingila omanu omo liaco osesamẽla olopandu vietu, esivayo lietu kuenda efendelo lietu omo okuti eye ‘Suku yeyovo lietu.’—Osamo 68:19, 20; Isaya 12:2-5; Yoano 3:16; 5:19.

20. (a) Tupondola okukuatisa ndati omanu okulitokeka la Suku kuenda Lomõlaye? (b) Nye cikalongisiwa vocipama cikuaĩmo?

²⁰ Omo okuti tulondingupange kumosi la Suku, tukuatisi omanu oco valitokeke laye kuenda Lomõlaye, lokuvakuatisa okukuata ocisola kuenda ekolelo vovitima viavo. Ndoco Yehova oka kala muẽle omunu wocili kokuavo. (Yoano 7:28) Pokati ka Kristu, ovo vakatẽla okulikuata ukamba umue wocili la Suku, kuenje vakokuatela ocisola kuenda vaka likakatela laye. Vakakala otembo kayitendiwa vupange wavo ulingiwa locisola, lokukuata ekolelo kolohuminyo vikomohisa via Yehova okuti akatẽlisiwa votembo yaye yasokiyiwa. (Asiõsuĩlo 3:24-26; Va Heveru 11:6) Osimbu tukuatisa vakuetu okukuata ekolelo, elavoko, kuenda ocisola, tusukilavo okukolisa ekolelo lietu muẽle ndonaviyu yapama okuti yipondola okupanamãla kahunguhungu atĩla. Eci tukacililongisa kocipama cikuaĩko.

[Atosi]

Okupitulula

◻ Tuvetiya hẽ ndati olonjanja vialua onjongole yomanu kondaka Yusoma, pole ohele ye yikasiko?

◻ Omanu Yehova akoka kokuaye kuenda Komõlaye vasoka hẽ ndati?

◻ Okuiñila kua Va Isareli Vofeka Yohuminyo nye tulilongisila kocina eci?

◻ Ocikele ce tusukila okukuata pokukuatisa omanu oco valitokeke la Yehova kuenda Lomõlaye?

Ndaño okuti tusandeka komanu elavoko liomuenyo ko pui Vofeka yelau, ocina cavelapo tusukila okulinga okuvatokeka ku Yehova

Apasulo etu apondola okukuata esilivilo liwa nda tuapongiya ciwa

[Picture on page 10]

Although we extend to people the hope of everlasting life in Paradise, our main objective is to draw them to Jehovah

[Pictures on page 13]

Our return visits can be very effective if we prepare well