Tu Kuatisi Vakuetu Oco Vaende Ndeci ca Posokela Yehova

“Ka tua la liweka[po] oku vu likutilila. [Oku] pinga ku Suku okuti ... [u] kali lovimuenyo vi soka leci ca posokela Ñala [Yehova], haivio viu sanjuisa ... okuti, kovopange osi awa, wimi apako.”–VA KOLOSAI 1: 9, 10.

1, 2.Nye ci pondola oku kala ono yesanju lia velapo?

Ulume umue lukãi waye okuti va sangiwa kofeka yo Afrika do Sul, haivo va litumbika kupange wotembo yosi, va popia hati: “Onjo yetu okalosa kamue kakasi vocitaka. Omo lioku ambata omuenyo umue wa leluka, tu kuete vali otembo ya lua yoku kundila omanu olondaka viwa. Tua siata oku sumuluisiwa lepuluvi lioku kuatisa omanu va lua oku tumbika ovimuenyo viavo ku Yehova.”

² Ove ku tava hẽ okuti oku kuatisa vakuetu ku nena esanju? Vamue va siata oku likolisilako oku kuatisa omanu ndeci, ava va vela, lava va siwa ulika ale vava va kasi likaliavo, kuenje va sanga esanju lia lua poku vi linga. Akristão vocili va kuliha okuti oku li tumbika kuavo koku longisa vakuavo eci catiamẽla ku Yehova Suku kuenda ku Yesu Kristu, olio ekuatiso lia velapo va pondola oku eca. Onjila eyi, oyo lika yi tuala vakuavo koku tava kocilumba cocisembi ca eciwa la Yesu,kumue loku kuata ukamba la Suku, kuenda oku kuata elavoko liomuenyo ko pui.–Ovilinga 3:19–21; 13:48.

3 Ekuatiso lipi okuti olio tu sukila oku velisapo vali ca lua?

³ Oco hẽ, ci popiwa ndati catiamẽla koku kuatisa vamue okuti va kasi ale oku vumba Suku, kuenda va kuãi ale “Onjila”? (Ovilinga 19:9) Ka kuli atatahãi okuti, pamue ocisola o vakuetele ca piãla, pole pamue ku lete ndomo o va lingila ovina via lua vali, ale oku amamako loku va kuatisa. Ekalo liove pamue ka liecelela oku linga ca lua oco o va kuatise, kuenje ku tẽla oku sanga esanju o yongola oku kuata. (Ovilinga 20:35) Catiamẽla konepa eyi, tuka ci lilongisila poku konomuisa eci ci sangiwa velivulu lia va Kolosai.

4 (a) Vekalo lipi upostolo Paulu a sangiwile eci asonehela va Kolosai? (b) Epafra wa kongeliwilemo hẽ ndati?

⁴ Eci upostolo Paulu a sonehela Akristão va Kolosai, eye wa kala vokayike ko Roma, pole ca tavaile okuti o tambula akombe. Ocili okuti, Paulu wopa esilivilo kokatembo kamue vowihile oco a kunde eci catiamẽla Kusoma wa Suku. (Ovilinga 28:16–31) Vamanji Akristão, ca tavaile okuti va pasuisa Paulu olonjanja vimue, kuenda vamue pokati kavo va kalavo vokayike, otembo yaco. (Va Kolosai 1:7, 8; 4:10) Umue pokati kavamanji vaco, Epafra, wa kala umue ukuambili ya lua kupange woku kunda, wo kimbo limue lioko Kolosai ko Frugia, kutakelo wekumbi wofeka yo Efeso ko Asia Menor, (okuti oloneke vilo ku tukuiwa hati, ko Turkia). Epafra wa kuatisa ca lua koku sokiya ekongelo limue ko Kolosai, kuenda wa talavayavo vakongelo a lisunguile lo Laodikea kuenda lo Hierapoli. (Va Kolosai 4:12, 13) Momo lie Epafra a lingilile ungende woku ka pasuisa Paulu wa kala ko Roma, kuenda nye tu pondola oku lilongisila ketambululo lia Paulu?

Ekuatiso Limue Liwa ku va Kolosai

5 Momo lie upostolo Paulu a sonehela olondaka a sonehela va Kolosai?

⁵ Oco a ka vangule lupostolo Paulu eci catiamẽla kekalo liekongelo lia va Kolosai Epafra wa linga ungende umue watila ca lua woku enda ko Roma. Eye wa lombolola eci catiamẽla kekolelo, kocisola, kuenda kalikolisilo Vakristão va kalako. (Va Kolosai 1:4–8) Pole, eye wa sapulavo esakalalo liaye liatiamẽla kovituwa vivi via kala loku kapa kohele ekalo liespiritu lia va Kolosai. Paulu wa eca etambululo lukanda umue wa fuimilua la Suku okuti wa pisa ovisimilo vimue alongisi vesanda va kala loku sandula. Eye wa lombolola vali enene eci catiamẽla koku velisapo ocikele ca Yesu Kristu.a Anga hẽ ekuatiso liaye lia sulilile lika koku lombolola ocili ca velapo Cembimbiliya? Ndamupi eye nda a kuatisa vali ca lua va Kolosai, kuenda nye tu pondola oku lilongisilako kueci catiamẽla koku kuatisa vakuetu?

6 Etosi lipi okuti olio Paulu a tukula vali ca lua vukanda eye a sonehela va Kolosai?

⁶ Paulu, kefetikilo liukanda waye, wa eca ekuatiso limue okuti etu pamue ka tu li kapiko. Eyi oyo ya kala onjila yiwa yoku eca ekuatiso liocipãla, momo Paulu la Epafra va kala ocipãla la va Kolosai. Paulu wa popia hati: “Olonjanja viosi eci tu vu likutilila[ko] tu imba olopandu ku Suku Isia ya Ñala yetu Yesu Kristu.” Ocili okuti, evi via kala olohutililo via tiamisiwile muẽle ka Akristão va Kolosai. Paulu wa vokiyako hati: “Oco, tunde keteke tua ci yeva, ka tua la liweka[po] oku vu likutilila. Tu pinga ku Suku okuti o vu yukisa ukulihiso wocipango caye poku wihi uloño lolondunge viocili, vina vi Espiritu.”–Va Kolosai 1:3, 9.

7, 8.Volohutililo vietu tu linga pokolika, kuenda evi vi lingiwila vekongelo, olonjanja vialua mu kongeliwa ovina vipi?

⁷ Etu tua kuliha okuti, Yehova ‘Ukuakuyeva olohutililo,’ omo liaco, ci tava okuti tu kolela konjongole yaye yoku yevelela olohutililo vietu vilingiwa lonjila yimue okuti yi litava lonjongole yaye. (Osamo 65:2; 86:6; Olosapo 15:8, 29; 1 Yoano 5:14) Oco hẽ, eci tu likutililako vakuetu, olohutililo vietu te vi kala nda vipi?

⁸ Etu ci tava okuti, tu sokolola kuenda tu likutililako ‘vamanjetu vosi va kasi voluali’ (1 Petulu 5:9) Ale citava okuti tuamẽla ku Yehova oku likutililako vakuetu Akristão va sangiwa kolonepa vina ku kasi loku pita ovisalu ale ovoyaki. Kocita catete eci olondonge via kala kolonepa vimue vikuavo via yeva okuti ko Yudea kuli onjala ya lua, ovo va lingilako manjavo olohutililo via lua, otembo handi ka va tumile ekuatiso lieteku lioketimba. (Ovilinga 11:27–30) Koloneke vilo tukasi ndeti, kolohongele Viakristão kua siata oku lingiwa olohutililo vi loñisiwa ku vamanjetu voluali luosi, ale vievi vi tiamisiwila kocimunga cimue cinene ca vamanji. Vosi va kasipo va sukila oku kuata elomboloko liolohutililo viaco, oco kesulilo va tẽle oku tambulula hati, “Amene.”−1Va Korindo 14:16.

Poku Likutilila Kuove Tukula Muẽle Eci o Yongola

9, 10. (a) Ovolandu api a lekisa okuti oku likutilililako umue loku tukula onduko yaye vohutililo ca sunguluka? (b) Ndamupi Paulu a lekisa ocisimilo coku tukula muẽle eci omunu a yongola vohutililo?

⁹ Embimbiliya handi, li lombolola ovolandu a lua atiamẽla kolohutililo vioku pingilako vakuetu okuti vi tukula muẽle omunu waco va pingilako. Sokolola olondaka via Yesu vi sangiwa kelivulu lia Luka 22:31, 32. Eye wa ñualiwile lovapostolo vaye vakuekolelo va sokele ekui la mosi. Vosi yavo va sukilile ekuatiso lia Suku omo liotembo yohali va kala loku lavoka, kuenje Yesu wa va likutililako. (Yoano 17:9–14) Pole, Yesu wa tukula lika Petulu, eci o likutililako. Ulandu ukuavo wowu wa Elisia wa likutililako ku Suku oco a kuatise ulume umosi, wa kala ukuenje waye. (2 Olosoma 6:15–17) Upostolo Yoano wa likutilililako Gaiu oco amameko luhayele wo ketimba kuenda wo kespiritu. (3 Yoano 1, 2) Kuenda olohutililo vikuavo via tiamisiwilile lika kovimunga comanu vamue okuti ka valuile.−Yovi 42:7, 8; Luka 6:28; Ovilinga 7:60; 1 Timoteo 2:1, 2.

¹⁰ Ukanda wupostolo Paulu wa lombolola eci catiamẽla koku tukula muẽle eci omunu a yongola poku likutilila. Eye wa pinga oco volikutilileko,, ale oco akamba vaye va va likutililekovo. Kelivulu lia Va Kolosai 4:2, 3, tu tangako ndoco: “Pandikisi loku likutilila. Eci vu likutilila, lavululi, kuenje kali lolopandu. Nda pingavo okuti vu tu likutilila etu, oku likutilila okuti Suku o tu yuluila epito lioku kunda ondaka, ha tu lombolola elumbu lia Kristu hailio ñasilili vokayike.” Konomuisavo ovolandu akuavo a sangiwa kalivulu ndeci: Va Roma 15:30; 1 Va Tesalonike 5:25; 2 Va Tesalonike 3:1; Va Heveru 13:18.

11 Eci Epafra a kala ko Roma velie eye a likutilililako?

11, 22. (a) Momo lie olondaka via sonehiwa kelivulu lia Va Kolosai 4:11, vi kuete esilivilo kokuetu? (b) Ovina vipi tu pondola oku linga oco tu kuame ongangu ya vana va kala kumue la Paulu?

¹¹ Cimuamue haicovo kueci ca tiamẽla kuava va kalela kumosi la Paulu ko Roma. Tu tanga ndoco: “Ukuẽle ... Epafra... wo lami. Eye ka liwekelepo oku vu likutalaila.” (Va Kolosai 4: 12, NW) Ondaka ya pongoluiwa hati, “ka liwekelepo,” ci tava okuti yi lomboloka “oku likolisilako,” ndeci ca lingawaile la va kua ku pindisa etimba kolomapalo viokosimbu. Anga hẽ, ohutililo Epafra a linga, wa yi tiamisilile ku vamanji voluali luosi, ale wa yi loñisile kafendeli vosi vocili va kala ko Asia Menor? Paulu wa lekisa okuti, Epafra wa kala loku likutilililako lika vamanji va Kolosai. Epafra wa kulihile ciwa ekalo liavo. Etu ka tua kulihile olonduko viavo vosi, kuenda ka tua kulihilevo ovitangi va kala loku liyaka lavio, pole tu kulihisi vimue pokati kovisimilo evi. Ci tava okuti umalẽhe Linu wa kala loku li yaka lovitangi viatiamẽla kovilongua viesanda, kuenda Rufu soketi wa sukilile ekoliso oco ka ka tiukile vali kovilinga a lingaile osimbu eci a kala ketavo lia va Yudea. Anga hẽ, omo okuti ulume wa Persi ka kalele ukuetavo, eye wa sukilile oku pandikisa luloño oco a tekuile omãla vaye vu Ñala? Anga hẽ omo okuti Asungrito wa kala luvei umue u koka ohele, wa sukilile hẽ elembeleko limue liapiãlapo vali? Ocili okuti, Epafra wa kulihile ciwa ekalo lia vosi va kala vekongelo atiamẽle, kuenje lutima waye wosi wa va likutililako, momo vi kale eye muẽle ci kale Paulu va yonguile okuti vosi yavo vaenda ndeci ca posokela Yehova.

12 Ndamupi volohutililo vietu tu pondola oku tukula muẽle eci tu yongola?

11, 22. (a) Momo lie olondaka via sonehiwa kelivulu lia Va Kolosai 4:11, vi kuete esilivilo kokuetu? (b) Ovina vipi tu pondola oku linga oco tu kuame ongangu ya vana va kala kumue la Paulu?

¹² Ove hẽ, o tẽla oku limbuka ongangu tu pondola oku kuama oco tu kuatise vakuetu? Ndomo tua mõla ale, olohutililo vi lingiwila powiñi volohongele Viakristão olonjanja vialua okuti ka ku tukuiwa olonduko omo liomanu vañi vañi va kasipo. Pole, olohutililo vietu vio pokolika ale vievi tu lingila vepata, tu pondola oku tukula muẽle eci tu yongola. Ndaño okuti pamue tu pinga ku Suku oco a songuile kuenda a sumuluise angombo vosi kespiritu ale olomitavaso viosi vi nyula akongelo vovaimbo, olonjanja vimue ka tu sukila hẽ oku tukula muẽle olonduko viavo? Oco hẽ, momo lie ove ku likutilililako mitavo wa siata oku nyula ekongelo liene, okuti u tukula konduko, ale manji wa siata oku songola Elilongiso Lielivulu Vocimunga Cene Vekongelo? Kelivulu lia Va Filipoi 2: 25–28, kuenda 1 Timoteo 5:23, upostolo Paulu wa tukula eci catiamela kuhayele wa Timoteo kuenda wa Epafrodito. Anga hẽ etu tu pondola oku kuatelavo onjongole vana va vela okuti tua va kuliha muẽle kolonduko?

13 Ovitangi vipi ca sunguluka oku vi kongela volohutililo vietu olonjanja vimue?

11, 22. (a) Momo lie olondaka via sonehiwa kelivulu lia Va Kolosai 4:11, vi kuete esilivilo kokuetu? (b) Ovina vipi tu pondola oku linga oco tu kuame ongangu ya vana va kala kumue la Paulu?

¹³ Ocili okuti, tu sukila oku yuvula oku li kapa volondaka via vakuetu vio pokolika, pole, ca sunguluka volohutililo vietu oku lekisa onjongole yetu yocili komanu vosi tua kuliha kuenda oku va tava ciwa. (1 Timoteo 5:13; 1 Petulu 4:15) Pamue umue manji kupange a kala loku talavaya ka kasiko vali, kuenda etu ka tu kuete epondolo lioku u vanjela upange ukuavo. Pole, volohutililo vietu tu pondola oku tukula onduko yaye kumue locitangi caco eye a kasi loku li yaka laco. (Osamo 37:25; Olosapo 10:3) Tua kuliha hẽ umue manji ufeko okuti anyamo aye a kasi loku amamako pole ka kuete handi ulume ndaño omãla, omo ye wa nõlapo muẽle onjila yoku kueliwila [lika] vu Ñala’? (1 Va Korindo 7:39) Volohutililo viove vio pokolika, momo lie ku pingila ku Yehova oco a sumuluise ufeko waco kuenda oco o kuatise oku amamako lekolelo kupange waye? Ndeci, akulu vekongelo vavali pamue va pondola oku eca elungulo ku manji umue wa lueya. Volohutililo viavo vio pokolika momo lie omunu lomunu pokati kavo kotukuila konduko olonjanja vimue?

14 Olohutililo vioku tukula muẽle eci omunu a yongola vi kuete elitokeko lipi leci catiamẽla koku kuatisa vakuetu?

11, 22. (a) Momo lie olondaka via sonehiwa kelivulu lia Va Kolosai 4:11, vi kuete esilivilo kokuetu? (b) Ovina vipi tu pondola oku linga oco tu kuame ongangu ya vana va kala kumue la Paulu?

¹⁴ Kuli apuluvi a lua okuti volohitililo viove o kongelamo omanu vana wa kuliha okuti, va sukila ovina ndeci, ekuatiso lia Yehova, elembeleko, uluño, kuenda espiritu sandu, ale ocina cimue cikuavo okuti kuimila apako awa. Omo lioku kala ocipãla, ale omo liocitangi cimue cikuavo, ove pamue ku kuata epondolo lioku eca limue ekuatiso lio ketimba ale ocina cimue cikuavo. Pole, ku ka ivaleko oku likutilililako vamanjove. Ove wa kuliha okti, ovo va yongola oku enda ndeci ca posokela Yehova, pole ci tava okuti pamue va sukila ekuatiso limue liocili oco vamameko loku ci linga votembo ka yi pui. Olohutililo viove ovio osapi yoku va kuatisa.−Osamo 18:2; 20:1, 2; 34:15; 46:1; 121:1–3.

Likolisilo Oku Kolisa Vakuene

¹ 5Ocili okuti, olohutililo vi lingiwa lonjongole yocili, ka vi lingiwa lika oku kuatisa vakuetu, puãi, vi lingiwilavo oku kuatisa vakuepata lietu. Elivulu lia va Kolosai li lombolola ciwa ondaka eyi. Olonoño vimue via siata oku tava okuti, Paulu vukanda a tuma, wa eca alungulo atiamẽla kolondotilina kuenje wa vokiyako ño ovilamo. (Va Kolosai 4:7–18) Pole, etu tua kulihisa ale okuti onepa ya sulako kukanda owu tu sangako alungulo awa, kuenda kuli ovina via lua okuti tu pondola oku vi li longisa.

16, 17. Nye tu pondola oku popia catiamẽla ku vamanji va tukuiwa kelivulu lia Va Kolosai 4:10, 11?

11, 22. (a) Momo lie olondaka via sonehiwa kelivulu lia Va Kolosai 4:11, vi kuete esilivilo kokuetu? (b) Ovina vipi tu pondola oku linga oco tu kuame ongangu ya vana va kala kumue la Paulu?

¹⁶ Upostolo Paulu wa soneha ndoco: “Aristarko o kasi lame kumandekua wa tuma oku vu lama. Kuenje Marko, ocimumba ca Barnaba,−wo yevi ale ndomo tuo lombolola, nda iya, u tambuli,−la Yesu, haeye, Justo, lavovo vo lami. Ovo lika vakuevamba tu kasi lavo vupange wusoma wa Suku. Ovo va ñolaisa ocili.”−Va Kolosai 4:10, 11.

¹⁷ Upostolo Paulu vukanda owu wa tukula va manji vamue okuti va sesamẽlele esumbilo liapiãlapo vali. Eye wa popia hati, omanu vaco ovo va kala pokati kava va tundile evamba okuti va kuata elilongiso lia va Yudea va lua va tundile evamba, kuenda vamue pokati kavo noke veya oku linga Akristão. Pole, ava Paulu a tukula, vana veyile oku u kuatisa. Ovo, soketi ka va sumile oku likongela Lakristão Vakualofeka, kuenje lesanju lia piãla, ovo kumue lupostolo Paulu, veya oku kuata onepa kupange woku kundila olondaka viwa Vakualofeka.−Va Roma 11:13; Va Galatia 1:16; 2:11–14.

11, 22. (a) Momo lie olondaka via sonehiwa kelivulu lia Va Kolosai 4:11, vi kuete esilivilo kokuetu? (b) Ovina vipi tu pondola oku linga oco tu kuame ongangu ya vana va kala kumue la Paulu?

¹⁸ Konomuisa olondaka via paulu wa popia hati: “Ovo va ñolaisa ocili” Eye wa tukula ondaka yo Helasi okuti yi molẽha lika onjanja eyi yimosi Vembimbiliya. Va lua va kua ku pongolola alimi ondaka yaco eyi va yi pongolola hati, “elembeleko.” Pole, kuli ondaka yikuavo yo Helasi yi tukuiwa hati, (pa.ra.leʹo) okuti va siatavo oku yi pongolola hati, “elembeleko.” Paulu wa tukula ondaka eyi kolonepa vikuavo viukanda waco owo umuamue, pole, ka yi tukuile kelivulu lia Va Kolosai 4:11.−Mateo 5:4; Ovilinga 4:36; 9:31; 2 Va Korindo 1:4; Va Kolosai 2:2; 4:8.

19, 20. (a) Ondaka upostolo Paulu a tiamisila ku vamanji vo kuatisa eci a kala ko Roma yi lomboloka nye? (b) Ndamupi vamanji va kuatisa Paulu?

11, 22. (a) Momo lie olondaka via sonehiwa kelivulu lia Va Kolosai 4:11, vi kuete esilivilo kokuetu? (b) Ovina vipi tu pondola oku linga oco tu kuame ongangu ya vana va kala kumue la Paulu?

¹⁹ Vana upostolo Paulu a tukula konduko, soketi va linga vali ca lua okuti haku ecako ño elembeleko lomẽla. Ondaka yo Helasi ya pongoluiwa hati, “va ñolaisa ocili,” yi sangiwa kelivulu lia Va Kolosai 4:11, olonjanja vimue ya sangawailevo valivulu oluali atiamẽla koku sakula okuti, ya tiamisiwila koku tulumula esumuo. Embimbiliya li tukuiwa hati, New Life Version, li lombolola ndoco: “Hekuatisokuolio nda siata oku tambula kokuavo!” Kuenda Embimbiliya litukuiwa hati, Todayʹs English Version, li kuete olondaka via popia hati: “Nda siata oku tambula ekuatiso lia lua kokuavo.” Vamanji Akristão va kala ocipepi lupostolo paulu, volingila hẽ nye?

²⁰ Upostolo Paulu wa ponduile oku tambula akombe, pole kua kala ovina vialua eye a sukilile okuti ka tẽlele oku vi linga ndeci, oku landa okulia kuenda uwalo wotembo yombambi. Eye wa enda loku tambula hẽ ndati oviña vioku lilongisa ale oku landa olopapelo vioku soneha? (2 Timoteo 4:13) Ove hẽ ku tẽla oku limbuka okuti vamanji vaco va tẽla oku kuatisa upostolo Paulu kovina evi eye a sukilile vali ca lua, ndeci, oku u landelako cimue vovenda, ale oku u lingilako upange umue ukuavo? Ci tava okuti eye pamue wa yonguile oku konomuisa kuenda oku kolisa ekongelo limue. Pole omo okuti wa kala vokayike, ka kuatele epondolo lioku ci linga, kuenje vamanji va enda loku u pasuisa ovo va enda loku u lingilako upange waco, haivo vo nenalaile asapulo, kuenda poku tiukila va endavo loku ambata ovolandu. Hekuatisokuolio eye a tambula!

11, 22. (a) Momo lie olondaka via sonehiwa kelivulu lia Va Kolosai 4:11, vi kuete esilivilo kokuetu? (b) Ovina vipi tu pondola oku linga oco tu kuame ongangu ya vana va kala kumue la Paulu?

²¹ Olondaka Paulu a soneha poku popia hati, “va ñolaisa ocili,” vi tu kuatisa oku limbuka ndomo tu pondola oku kuatisa vakuetu. Ci tava okuti ovo pamue va kasi oku enda ndeci ca posokela Yehova, ndeci oku lava ovihandeleko viaye viekalo, oku endaenda kolohongele vietu Tuakristão, kuenda oku kuata onepa kupange woku kunda. Catiamẽla konepa eyi, ovo va sesamẽla olondaka vietu viepandiyo. Pole, ci tava hẽ okuti tu linga vali ca lua, okuti tu ‘va kolisavo ocili,’ ndeci ca linga Akristão vana va kuatisa Paulu?

²² Nda wa kuliha manji umue ukãi okuti o kasi loku kapako olondaka vi sangiwa kelivulu lia 1 Va korindo 7:37, pole kaliye ka kuete epata limue, ci tava hẽ oku u laleka okuti iya konjo yove oco kumue lepata liove u lingili ovina vimue pamosi ndeci, oku lila pamosi, ale oku mangalapo kamue lakamba ale la vamue vakuepata liove? Nye hẽ ku u lalekela oco eye kumue lepata liove wendeli kumue kohongele yofeka, ale oco wendi kimbo limue oku ka puyukapo kamue? Ale ci tava okuti u pinga oco kotembo yimue ya sunguluka manjaco aende leve kocitanda ale vovenda yimue oku landa ovikulia. Cimuamue haico ci popiwa kueci catiamẽla kovimbumba, kuenda ku vana okuti ka va kuete vali ongusu yoku enda. Ove o pondola oku sanga esanju lia piãla eci o yevelela ovolandu avo ale ceci o tambula ukulihiso wovina ovo va ku lomboluila viatiamẽla komuenyo weteke leteke ndeci, koku landa apako awa, ale koku nõla uwalo womãla. (Ovisila 19:32; Olosapo 16:31) Ndomo ca siata oku muiwa, ukamba waco ci tava okuti u sulila velitokeko limue liocili. Noke ovo va fetika oku lianja, kuenje ka va kala vali lohele layimue yoku ku pinga ekuatiso kovina va sukila ndeci oku va landelako ovihemba, ale pamue oku va lingilako ocina cimue cikuavo. Vamanji va kuatisa Paulu eci a kala ko Roma, ci tava okuti va eca ekoliso limue liocili kovina ovo va tẽla oku u lingila. Cikale kotembo yokosimbu ale cilo, kuli asumuluho a lua omo lioku nõlapo onjila yoku amamako kuetu koku vumba Yehova kumue lavo lesunguluko liocili.

23 Omunu lomunu pokati ketu ciwa okuti o pesila otembo koku linga nye?

²³ Omunu lomunu pokati ketu, o pondola oku sokolola ovitangi via tukuiwa vocipama cilo. Ovio via tukuiwa ño ndocindekaise, pole vi tu ivaluisa ovitangi vi kasi loku pita muẽle ocili, vina okuti vi tu vetiya oku eca ‘ekoliso’ liocili ku vamanjetu. Puãi, eci ka ci lomboloka okuti tu setukula ovituwa viomanu vakualuali vioku eca osimõla. Eci hacoko ca kala ocisimilo ca vamanji va tukuiwa kelivulu lia Va Kolosai 4:10, 11. Ovo va pitisile vali enene kovaso ‘upange wusoma wa Suku.’ Ekuatiso liocili, liatiamẽla muẽle kondaka eyi. Cimuamue haico catiamẽla kokuetu.

24 Volohutililo vietu, lipi hẽ li sukila oku kala etosi lia velapo poku sandiliya oku kuatisa vakuetu?

²⁴ Esunga lieci volohitililo vietu vio pokolika tu tukuila vakuetu konduko, kuenda tu likolisililako oku va kolisa ceci okuti, tua kolela okuti vamanjetu va yongola oku enda ‘ndeci ca posokela Yehova, kumue loku u sanjuisa.’ (Va Kolosai 1:10) Ondaka eyi yikuete elitokeko locina cimue cikuavo vali Paulu a tukula eci a soneha eci catiamẽla kohutililo Epafra a lingila va Kolosai, poku va yonguila okuti va “talama ngo vocipango ca Suku.” (Va Kolosai 4:12) Ndamupi hẽ omunu lomunu pokati ketu a pondola oku ci linga? Tuka ci konomuisa.

Anga hẽ wa ci Kulihisa Ciwa?

Ndamupi tu pondola oku linga olohutililo vietu vio pokolika oco vi kale vali viekuatiso liavelapo?

Ndamupi Akristão vamue va ‘kolisa’ Paulu?

Kovina vipi etu tu pondola oku eca ‘ekoliso’?

12 Ndamupi volohutililo vietu tu pondola oku tukula muẽle eci tu yongola?

13 Ovitangi vipi ca sunguluka oku vi kongela volohutililo vietu olonjanja vimue?

14 Olohutililo vioku tukula muẽle eci omunu a yongola vi kuete elitokeko lipi leci catiamẽla koku kuatisa vakuetu?

15 Momo lie tu kuetele oku kapako olondaka via sulako kukanda wa tumiwa ku va Kolosai?

16, 17. Nye tu pondola oku popia catiamẽla ku vamanji va tukuiwa kelivulu lia Va Kolosai 4:10, 11?

19, 20. (a) Ondaka upostolo Paulu a tiamisila ku vamanji vo kuatisa eci a kala ko Roma yi lomboloka nye? (b) Ndamupi vamanji va kuatisa Paulu?