Epinduko li Tẽlisiwa Omo Liocisembi

Ocipito Conjivaluko ci tu ĩha epuluvi liwa lioku sokolola kasumũlũho a keya kovaso yoloneke okuti, a tẽlisiwa lika omo liocisembi ndeci, epinduko. Yehova lalimue eteke a yonguile okuti omanu va fa. Eli olio esunga lieci tua siatela oku sumua eci ku fa omunu umue tu sole. (1 Va Kor. 15:26) Yesu wa yeva esumuo eci a mola olondonge viaye via kala oku lila omo liokufa kua Lasaru. (Yoa. 11:33-35) Omo okuti Yesu ukuesetãhalo lia Isiaye, tua kolela okuti Yehova o yevavo esumuo poku mola okuti tua sumua omo liokufa kuomunu umue tu sole. (Yoa. 14:7) Yehova o kuete onjongole yoku pindula afendeli vaye va fa, kuenda tu kuetevo elavoko liaco.—Yovi 14:14, 15.

Omo okuti Yehova eye Suku o sokiya ciwa ovina, ca sunguluka kokuetu oku kolela okuti epinduko li ka lingiwa lonjila yimue ya suapo. (1 Va Kor. 14:33, 40) Ka ku ka kala vali olonambi, ku ka kala lika epuluvi lioku yolela vana va ka pinduiwa. Anga hẽ wa siata oku sokolola kepinduko, ca piãla enene nda wa sumua? (2 Va Kor. 4:17, 18) Wa siata hẽ oku panduila Yehova omo lieliangiliyo liocisembi kuenda omo lioku situlula Vovisonehua okuti vana va fa va ka kuata vali omuenyo? —Va Kol. 3:15.

• Helie pokati kakamba vove ale va ngandiove o yongola oku mola vali lomuenyo?

• Omunu upi wa tukuiwa Vembimbiliya kuenje o yongola oku lisanga laye kuenda oku sapela laye?