OCISELEKO CALIVULU VO INTERNET Colombangi Via Yehova
Olombangi Via Yehova
OCISELEKO CALIVULU VO INTERNET
Umbundu
Ũ
  • Ñ
  • ñ
  • õ
  • Õ
  • ũ
  • Ũ
  • ĩ
  • Ĩ
  • ã
  • Ã
  • ẽ
  • Ẽ
  • EMBIMBILIYA
  • ALIVULU
  • OLOHONGELE
  • w15 1/3 kem. 3
  • Esunga Lieci tu Sukilila Oku Popeliwa

Vonepa eyi ka mu sangiwa ovideo layimue.

Tu ecele, kua pita ocitangi cimue poku lekisa ovideo.

  • Esunga Lieci tu Sukilila Oku Popeliwa
  • Utala Wondavululi Welilongiso—2015
  • Ocipama ci Likuata
  • Oku Yula Unyali Wetu Okuti Kufa—Ndamupi?
    Utala Wondavululi Usapula Usoma wa Yehova (Yowiñi)—2019
  • Konomuisa Oviholo Viatiamẽla Kolofa
    Utala Wondavululi—2002
  • Ndamupi o Tenda Eci Catiamẽla Kolofa?
    Utala Wondavululi—2002
  • Tu Pondola Oku Kala Otembo ka yi Pui
    Utala Wondavululi Wusapula Usoma wa Yehova (Welilongiso)—2022
Tala Ovina Vikuavo
Utala Wondavululi Welilongiso—2015
w15 1/3 kem. 3

OSAPI YO KOÑOÑO | YESU O POPELA​—KOVINA VIPI?

Esunga Lieci tu Sukilila Oku Popeliwa

“Omunu wa citiwa lukãi ukualoneke viñamiñami, haiye we yuka lohali. O tẽlẽha kuenje uvuka. O tila ndulembo, ka tumãla.”​—Yovi 14:1, 2.

Tunde kosimbu omanu va siata oku sokolola ndomo omuenyo nda wa kala nda tua amaileko oku kala amalẽhe loku kuata uhayele otembo ka yi pui. Pole, ka ci tẽliwa momo tu fa. Olondaka vi sangiwa kefetikilo liocipama vina via popiwa la Yovi, okuti tunde eci via sonehiwa pa pita ale olohulukãi vitatu kanyamo, vi kasi oku tẽlisiwa toke cilo.

Kolonepa viosi violuali, omanu va kuete onjongole ya piãla yoku kala otembo ka yi pui. Embimbiliya li tu sapuila okuti Suku wa kapa vovitima vietu onjongole yoku kala otembo ka yi pui kuenda oku kuata elomboloko liaco. (Ukundi 3:11) Ove hẽ o sima okuti ca sunguluka ku Suku umue ukuacisola oku kapa vutima wetu onjongole yimue okuti ka yi tẽlisiwa? Nda wa tambulula hati sio, etambululo liove lia sunguluka. Ondaka ya Suku yi tukula olofa okuti unyãli kuenda ya likuminya okuti unyali waco “o ka imuha.”​—1 Va Korindo 15:26.

Ocili okuti, olofa unyali. Lomue ukualondunge o sanjukila olofa. Nda tu kasi kohele yimue, tu lisalamisa ale tu tila. Eci tu vela, tu sanda olonjila vioku sakuiwa oco tu kuate uhayele. Tua siata oku yuvula ovina viosi vi pondola oku koka olofa.

Anga hẽ kuli esunga lioku tava okuti unyali waco wosiahũlu eteke lime o ka imũha? Kuli. Yehova Suku, Ululiki, ka lulikile omanu oco va kaile ño okatembo kamue kuenje va fa. Olofa ka via tiamelele kocipango catete ca Suku. Eye wa yonguile okuti omanu va kala voluali otembo ka yi pui, kuenda o ka tẽlisa ocipango caye.​—Isaya 55:11.

Olofa vi ka sulila ndati? Vokuenda kuanyamo omanu va siata oku sanda olonjila viñi viñi vioku malako olofa, pole ka va kasi oku ci tela. Toke cilo, alikolisilo aco a kasi oku amamako. Olonoño via siata oku panga olovasina kuenda ovihemba vi sakula ovovei amue. Ovo va siata oku kũlĩhĩsa ndomo atimba oviendalomuenyo alulikiwa. Omo liaco, kovitumalo vimue omanu va siata oku kala otembo yalua komuneyo okuti kanyamo apita ci sule. Pole, olofa handi vi kasi ocipãla loku yuliwa. Ndomo Embimbiliya lia popia, “vosi va tiukila koneketela.”​—Ukundi 3:20.

Esapulo liwa lieli okuti, ka tu sukila oku kolela kalikolisilo omanu oku malako ocitangi colofa cina ci kasi tunde kosimbu. Yehova Suku wa linga ale eliangiliyo lioku tu yovola kolofa. Veliangiliyo liaco Yesu Kristu, eye omunu watete.

    Alivulu Wumbundu (1993-2025)
    Tunda
    Iñila
    • Umbundu
    • Tumisa o link
    • Ceci o yongola
    • Copyright © 2025 Watch Tower Bible and Tract Society of Pennsylvania
    • Alungulo Onumbi
    • Onumbi Yoku Liteyuila
    • Ndomo o Liteyuila
    • JW.ORG
    • Iñila
    Tumisa o link