Va Pindisa Oco va Amameko oku Vumba Yehova

Ovolandu a lekisa okuti, akundi vana va fetika ndopo oku kunda okuti va pindisiwa ciwa tunde kefetikilo oco va lekise ombili kupange woku kunda, noke va kala akundi vamue va loñoloha. (Olosap. 22:6; Va Fil. 3:16) Olonumbi vimue vi lekisa ndomo o pondola oku kuatisa omunu o longisa Embimbiliya oku kala ukundi umue uwa, vievi:

• Osimbu omunu o longisa Embimbiliya ka taviwile handi oco a kale ukundi, fetika oku u pindisa. (km 8/15 kem. 1) Longisa kokuaye esilivilo lioku kuata ocituwa coku enda enda kupange woku kunda olosemana viosi. (Va Fil. 1:10) Yuvula oku vangula lonjila yimue ka ya sungulukile catiamẽla kocikanjo. (Va Fil. 4:8) U vetiya oku talavaya la mitavaso yocimunga cupange woku kunda kuenda akundi vakuavo oco a kuatisiwe lovolandu avo.—Olosap. 1:5; km 10/12 kem. 6 ocin. 3

  

• Eci omunu o longisa Embimbiliya a papatisiwa, ku ka liwekepo oku u vetiya kuenda oku u pindisa kupange woku kunda, capiãla enene nda eye ka malele oku lilongisa elivulu losapi hati, “Kala Vocisola ca Suku.”—km 12/13 kem. 7

  

• Kuama ovindekaise vi teta onimbu, eci o talavaya kupange woku kunda lomunu umue wa fetika ndopo oku kunda. Noke yoku yevelela ocindekaise caye, u pandiya. Eca kokuaye olonumbi vi ko kuatisa oku loñoloha.—km 5/10 kem. 7