ELILONGISO 4

Tukula Esunga Lieci o Tangela Ovisonehua

Mateo 22:41-45

CECI O SUKILA OKU LINGA: Ecelela okuti omanu va kũlĩha esunga lieci o tangela ocisonehua cimue.

Sokolola esunga lieci o tangela ocisonehua. Osimbu kua tangele ocisonehua cimue, sokolola etosi o yongola oku lombolola kuenda popia cimue ci pondola oku vetiya olonjeveleli vocinimbu caco.

Kũlĩhĩsa lutate ulandu waco. Nda o yongola oku tukula omunu wa soneha elivulu limue Liembimbiliya, ale yu wa vangula cimue, tukula alomboluilo a suapo.
Lekisa okuti cosi o popia ci tunda Vembimbiliya. Poku sapela lomanu va tava ku Suku, va kuatisa oku limbuka eci Embimbiliya li popia catiamẽla kondaka yimue okuti, ku tukula ovisimĩlo viove muẽle.
Vetiya olonjeveleli oku lekisa onjongole kovisonehua. Linga epulilo limue kuenda lekisa ndomo ocisonehua ceca etambululo liaco. Tukula ocitangi cimue, noke lekisa ndomo ocisonehua ci kuatisa oku ci tetulula. Tukulavo onumbi yimue kuenje lekisa ndomo Embimbiliya li kuatisa oku kapako onumbi yaco.

Sokolola eci omanu va kũlĩha catiamẽla kulandu waco kuenda kocisonehua. O pondola oku tukula ondaka yimue yi vetiya ndaño okuti ocisonehua caco ca kũlĩhĩwa ale.