Anga hẽ Olombangi Via Yehova Akristão?

Oco. Etu tu tukuiwa okuti, Tuakristão omo liatosi a kuãimo:

• Etu tu kuãi alongiso kuenda ovilinga via Yesu Kristu.—1 Petulu 2:21.

• Tua kolela okuti, Yesu eye ono yepopelo, kuenda ka kuli vali “onduko yikuavo ya eciwa komanu okuti tu popeliwa layo.”—Ovilinga 4:12.

• Eci omanu va linga Olombangi Via Yehova, va papatisiwila vonduko ya Yesu.—Mateo 28:18, 19.

• Tua siata oku likutilila vonduko ya Yesu.—Yoano 15:16.

• Tu tava okuti Yesu eye Utue wekongelo, kuenda eye wa ĩhiwa omoko yoku songuila omanu vosi.—1 Va Korindo 11:3.

Pole, kuli ovina vialua, vi lekisa okuti tua litepa latavo akuavo a tukuiwa vati Aristão. Etu, tu tava okuti Embimbiliya li longisa okuti Yesu Omõla wa Suku, ka pangi onepa ku Suku mu Vatatu. (Marko 12:29) Ka tu tava okuti, ocilelembia ka ci fi. Kuenda Ovisonehua ka vi longisa okuti, Suku o kangisa omanu vifelu viondalu otembo ka yi pui. Kuenda ka tu tavavo okuti vana va songuila upange wetavo va sesamẽla oku tukuiwa lolonduko via kemãla okuti vakuavo ci sule.—Ukundi 9:5; Esekiele 18:4; Mateo 23:8-10.