Ocipama 15
Akamba Va Suku Valinga Eci Ciwa
Eci okuata ekamba limue osole calua haeye okuetele esumbilo liocili caleluka okuti, oseteka okusetukula ekalo liomunu waco. Embimbiliya lilombolola okuti: “Yehova o kasi lunu lesunga.” (Olosamo 25:8) Tusukila oku kala vamue vawa kuenda vakuesunga oco tukale ekamba lia Suku. Embimbiliya lisapula ndoco: “Oco, setukuli Suku ndomãla va soliwa. Endaeli vocisola.” (Va Efeso 5:1, 2) Ocipama cilo cilekisa ndomo citava okucilinga:
Okukuatisa vakuetu. “Tu lingi eci ciwa komanu vosi.”—Va Galatia 6:10.
Okulinga upange. “U wa ivaile ka ka ive vali, puãi a linge upange wocili.”—Va Efeso 4:28.
Okuyela ketimba kuenda kutima. “Tu liyelisi kovina viosi vi vĩhisa etimba levi vi vĩhisa utima.”—2 Va Korindo 7:1.
Tata ovimatamata viepata liove locisola calua kuenda lesumbilo. “Ene vosi omunu omunu a sole ukãi waye ndeci a lisole eye muẽle. Ukãi layevo a sumbile veyaye. Ene amãla, pokoli kolonjali viene.”— Va Efeso 5:33–6:1.
Okulekisa ocisola kuvakuetu. “Tu lisoli pokati, momo ocisola ca tunda ku Suku.”—1 Yoano 4:7.
Okupokola kovihandeleko viofeka. “Omanu vosi, omunu, omunu, va pokole kolombiali . . . Eci komanu vosi eci ca va sesamela, ulambu ku wa sesamela ulambu.”—Va Roma 13:1, 7.