Ovindekaise vi Kuamiwa

Oco ku Fetikiwe Alilongiso Embimbiliya Vocasapalo Catete Kosãi Yelombo

“Koloneke vilo via sulako, vosi tua siata oku liyaka lovitangi vi koka esumuo vepata. Pi ove o sima okuti oko tu pondola oku sanga olonumbi vi kuatisa epata oku kuata esanju?” [Ecelela etambululo.] Noke lekisa Utala Wondavululi Susu-Elombo komunu wa sanga kuenda kũlĩhĩsili kumosi etosi limue li sangiwa kemẽla 16 kuenda 17, loku tanga ocisonehua cimue. U wĩha orevista kuenda linga eliangiliyo lioku tiuka oco vu konõmuisi apulilo a kuãimo.

Utala Wondavululi Susu-Elo.

“Omanu vamue va sima okuti olonumbi Viembimbiliya viatiamẽla koku lipekela viosimbu kuenda ka vi kuamiwa vali koloneke vilo. Vakuavo va tava kueci Embimbiliya li popia. Cipi ocisimĩlo cove? [Ecelela etambululo.] Kũlĩhĩsa ndomo ocisonehua eci ci lombolola catiamẽla kusovoli wolonumbi vi sangiwa Vembimbiliya. [Tanga 2 Timoteo 3:16.] Orevista eyi yi lekisa ndomo Embimbiliya li tambulula apulilo ekũi atiamẽla koku lipekela. Yi lombololavo ndomo olonumbi vialio vi tu kuatisa.”

Despertai! de Março

“Tu kasi oku sapela la vakuetu catiamẽla kocitangi cimue ci kasi oku sakalaisa omanu. Koloneke vilo tu lete okuti onyeño yomanu yi kasi oku livokiya kuenda ka va tẽla oku likandangiya. Nye o sima okuti oco ci kasi oku koka ocitangi caco? [Ecelela etambululo.] Kũlĩhĩsa eci Embimbiliya li popia catiamẽla konyeño. [Tanga Osamo 37:8.] Orevista eyi yi lombolola esunga lieci onyeño ya livokiyila koloneke vilo kuenda ndomo tu pondola oku likandangiya konyeño.”