Ovindekaise vi Kuamiwa

Oco tu Fetike Oku Longisa Omanu Embimbiliya Vocasapalo Catete Kosãi ya Kayovo

“Omanu valua va sima okuti Eliapu, olio lia siata oku koka evĩho voluali. Pole, va siata oku lipula ndoco: ‘Eliapu lia tunda pi?’ Helie wa li lulika? Nye ove o sima catiamẽla kondaka eyi? [Ecelela etambululo.] Kũlĩhĩsa eci tu tanga palo.” Lekisa ocipama ci sangiwa kemẽla lia sulako Vutala Wondavululi 1 ya Kayovo, kuenda konomuisa kumue lomunu ocinimbu catete loku tanga ocisonehua ca tukuiwa. Eca Utala Wondavululi komunu, kuenda linga esokiyo lioku tiuka oco vu konomuisi epulilo likuavo.

Utala Wondavululi ya 1 ya Kayovo

“Tu yongola oku kũlĩha ocisimĩlo cove ca tiamẽla komunu umue wa sumbiwa calua Lakristão, la va Yudea, kuenda va Musulumanu. Omunu waco Mose. Eci wa yeva onjanja yatete onduko yaye, wa sima nye? [Ecelela etambululo.]” Ndaño okuti Mose wa enda oku lueya, tala ño ndomo Embimbiliya li tukula ovina viatiamẽla kokuaye. [Tanga Esinumuĩlo 34:10-12.] Utala ulo Wondavululi, u konomuisa ovituwa viwa vitatu kuenda u lekisa ndomo tu pondola oku setukula angangu yaye.”

Despertai! de Fevereiro

“Koloneke vilo, omanu valua va siata oku ilukila kolofeka vikuavo oku sandiliya ekalo liwa. O sima hẽ okuti va siata oku sanga ovina va yongola? [Ecelela etambululo.] Oku ilukila kolofeka vikuavo kua fetika osimbu. Kũlĩhĩsa ulandu u sangiwa kelivulu liatete Liembimbiliya. [Tanga Efetikilo 46:5, 6.] Orevista yilo, yi konomuisa apulilo ava. Lekisa komunu apulilo a sangiwa kesulilo liocipama catete.”