Ovindekaise vi Kuamiwa

Okokanda Esapulo Liusoma No. 38

“Ndi kasi oku panga onepa kupange woku sandeka esapulo eli likuete esilivilo. Okokanda kove haka.”

Kũlĩhĩsa: Oco tu tokeke lonjanga ocikanjo, poku vangula tu sukila oku teta onimbu ndaño okuti, omunu tua sanga wa lekisa onjongole. Nda wa lekisa onjongole, pinga kokuaye oco a tukule ocisimĩlo caye catiamẽla kosapi yaco. Kuenje, tanga laye etambululo Liembimbiliya kuenda u lomboluila ulandu wokokanda nda otembo yecelela. Osimbu kua endele, u lekisa okasapi ka popia hati: “Sokolola Epulilo Eli,” ka sangiwa kemẽla lia sulako vokokanda, kuenda linga eliangiliyo lioku tiuka oco o lombolole etosi liaco.

Utala Wondavululi 1 ya Kuvala

“Cipi ocisimĩlo cove catiamẽla kepulilo eli: Ovina vipi viuhembi omanu va siata oku popia catiamẽla ku Suku? [Ecelela etambululo.] Ndomo ci lekisiwa Vembimbiliya, Suku o yongola okuti, omanu vo sola kuenda vo kolela. [Tanga Isaya 41:13.] Orevista eyi yi lombolola ovohembi atatu omanu va siata oku popia catiamẽla ku Suku okuti, a tateka omanu vamue oku kuata ukamba laye.”

Despertai! Novembro

“Tu kasi oku pasuisa omanu, momo valua va sakalala omo okuti ovituwa viwa vi kasi oku tepuluka. Ove hẽ, o sima okuti omanu va liwekapo oku kuama olonumbi vi kuatisa oku kuata ovituwa viwa? [Ecelela etambululo.] Embimbiliya li lekisa okuti, ovituwa viomanu vi ka pongoloka. [Tanga 2 Timoteo 3:1-5.] Orevista eyi yi lombolola esunga lieci tu sukilila oku kolela kolonumbi vi sangiwa Vembimbiliya okuti, vi tu kuatisa oku kuata ovituwa viwa.”