Ovindekaise vi Kuamiwa

Oco ku Fetikiwe Alilongiso Embimbiliya Vocasapalo Catete Kosãi ya Kuvala

“Valua va tava okuti Suku o ka sombisa omanu omo liovilinga viavo. Ove hẽ o sima okuti tu sukila oku lavoka lesanju Eteke Liesombiso ale oku kuatela usumba eteke liaco? [Ecelela etambululo.] Kũlĩhĩsa olondaka vi sangiwa pemẽla lilo.” Noke lekisa Utala Wondavululi wa Mbalavipembe-Cembanima komunu wa sanga kuenda konomuisa laye okasapi katete ka sangiwa kemẽla 16, locisonehuwa ca tukuiwa vokasapi kaco. Noke u wĩha orevista yaco kuenda linga eliangiliyo lioku tiuka oco vu konomuisi epulilo li kuãimo.

Utala Wondavululi Mba.-Cemb.

Tanga Osamo 65:2. Noke popia ndoco: Omo “omanu valua va tava kolondaka viocinimbu eci viokuti, Suku eye ‘Ukuakuyeva olohutililo,’ oloneke viosi va likutilila kokuaye. Pole, omanu vakuavo va siata oku lipula ndoco: ‘Nda okuti kuli Suku, momo lie voluali mue yukila ovitangi?’ Nye o sima catiamẽla kondaka yaco? Anga hẽ kuli muẽle Suku? O sima hẽ okuti Suku wa siata oku yevelela olohutililo vietu? [Ecelela etambululo.] Noke popia ndoco: Lekuatiso Liembimbiliya, Utala ulo Wondavululi, we eca etambululo kepulilo eli: ‘Momo lie Ukuakuyeva olohutililo a kasilili oku ecelela ohali?’”

Despertai! de Novembro

“Etaili tu kasi oku pasuisa omanu. Olonjali vialua koloneke vilo, vi kasi oku tekula omãla lika liavo. Ove hẽ o sima okuti olonjali viaco vi kuete ovitangi vialua okuti, olohueli vina vi tekula omãla kavali kavo ci sule? [Ecelela etambululo.] Pole, kuli olonjali vialua via siata oku kuatisiwa lolonumbi Viembimbiliya. [Tanga 2 Timoteo 3:16.] Vorevista yilo, mu sangiwa olonumbi vi pondola oku kuatisa olonjali vina vi tekula omãla lika liavo oku kuata onima yiwa.”