Apulilo Atambuluiwa

◼ Otembo Yipi ca Sunguluka Oku Siapo Oku Songola Elilongiso Limue Liembimbiliya?

Nda omunu tu longisa Embimbiliya ka kapiko ovina a kasi oku lilongisa, citava oku liwekapo oku songola elilongiso liaye lutate. (Mat. 10:11) Kũlĩhĩsa: Anga eye wa siata oku tẽlisa ohuminyo yaye yoku lilongisa? Eye wa siata hẽ oku pongiya selo ovipama vu lilongisa? Eye wa siata hẽ oku endaenda kolohongele? Anga hẽ o sapuilako vakuavo ovina a kasi oku lilongisa? Anga eye o kasi oku linga apongoloko a likuata lolonumbi Viembimbiliya? Kũlĩhĩsa unyamo waye kuenda epondolo a kuete, loku limbuka okuti omunu lomunu o kapako ovina a kasi oku lilongisa lonjila ya litepa. Omo liaco, ndaño ove wa liwekapo oku songola elilongiso liaye, kolela okuti eteke limue eye o ka kuata vali onjongole yoku lilongisa Embimbiliya.​—1 Tim. 2:4.